21 جاستاعى مەدبيكە 2023 جىلدىڭ جەلتوقسانىنان باستاپ 2024 جىلدىڭ قىركۇيەگىنە دەيىن كوپسالالى وبلىستىق بالالار اۋرۋحاناسىنىڭ رەانيماسيا بولىمىندە جۇمىس ىستەگەن.
وتكەن جىلدىڭ مامىر ايىندا ول اۋىرىپ باستاعان، ال قىركۇيەك ايىندا وعان اشىق تۇردەگى تۋبەركۋلەز دياگنوزى قويىلعان.
«العاشىندا ول جرۆي-مەن اۋىردى، كەيىن ەكى رەت پنيەۆمونياعا شالدىقتى. جالپى، ول ءۇش رەت اۋرۋحاناعا جاتقىزىلعان. جۇمىسقا ورنالاسۋ كەزىندە مەديسينالىق قىزمەتكەردىڭ دەنساۋلىعىندا ەشقانداي ماسەلە بولماعان، اسىرەسە رەانيماسيا بولىمشەسىنە قابىلداۋ كەزىندە بۇل تالاپ قاتاڭ قاداعالانادى»، — دەپ حابارلادى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.
قازىرگى ۋاقىتتا مەدبيكە قاجەتتى ەم الىپ جاتىر. ال ونىڭ 55 ارىپتەسى دياسكين-تەست پەن فليۋوروگرافيادان ءوتىپ، ولاردىڭ اراسىندا اۋرۋ انىقتالماعان.
سونداي-اق مەدبيكە بايلانىستا بولعان 700-دەن استام بالانى تەكسەرۋ باستالدى.