توتەنشە جاعدايلار دەپارتامەنتىنىڭ باستىعى نۇرعالي ءجۇنىسوۆ، 1 ناۋرىزدان باستاپ بارلىق جەكە قۇرام جوعارى دايىندىق رەجيمىنە اۋىستىرىلعانىن مالىمدەدى. ويتكەنى، «قازگيدرومەتتىڭ» دەرەكتەرىنە سايكەس، 2024 جىلعى 9-10 ناۋرىزلا كۇندىزگى اۋا تەمپەراتۋراسى كوتەرىلىپ، سونداي-اق، ىرعىز، مۇعالجار جانە شالقار اۋداندارىندا دالالىق قار قارقىندى ەرۋى مۇمكىن. ەلدى مەكەندەردى، جولداردى سۋ باسۋ ءقاۋپى بار.
ناتيجەسىندە، بۇگىنگى كۇنى ۇزىندىعى 16 كم سۋ تاسقىنى ءقاۋپى بار وزەندەردى ءتۇبىن تەرەڭدەتۋ، جاعالاۋدى نىعايتۋ، تازارتۋ، 46،6 كم ارىقتار مەن كانالداردى تازارتۋ، 21 كم قورعانىس بوگەتتەرىن سالۋ جانە اعىمداعى جوندەۋ، 5 گيدروتەحنيكالىق قۇرىلىستاردى جوندەۋ، 8،1 كم سۋ بۇرۋ ارنالارىن سالۋ، 3،1 كم نوسەر كارىزدەرىن سالۋ، 13 سۋ وتكىزۋ قۇرىلىستارىن سالۋ جانە 27 سۋ وتكىزۋ قۇبىرلارىن ورناتۋ، اۆتوموبيل جولدارىنىڭ ۋچاسكەلەرىندە 2 كوپىر سالۋ جانە 6 كوپىر رەكونسترۋكسيالاۋ بويىنشا جۇمىستار جۇرگىزىلدى.
بۇدان باسقا، رەسپۋبليكالىق، وبلىستىق ماڭىزى بار اۆتوجولداردا، سونداي-اق، تەمىرجولدارىندا سۋ وتكىزۋ قۇبىرلارى مەن كوپىرلەردى تازارتۋ جۇمىستارى جۇرگىزىلۋدە. بۇگىنگە، 1352 سۋ وتكىزۋ قۇبىرلارى تازارتىلدى. سۋ وتكىزۋ قۇربىرلاردى، ارىقتار مەن كانالداردى تازارتۋ جۇمىستارى جالعاسۋدا.
بۇگىنگە، وبلىس بويىنشا 11 مىڭنان استام ادام تۇراتىن 36 ەلدى مەكەن ىقتيمال سۋ باسۋ ايماعىنا جاتادى، جۇرگىزىلگەن جۇمىستاردىڭ ارقاسىندا 11 ەلدى مەكەندە سۋ باسۋ ءقاۋپى جويىلدى، 10 ەلدى مەكەندە ءقاۋىپ بارىنشا ازايتىلدى، 15 ەلدى مەكەندە ءقاۋىپ ساقتالۋدا.
تۇرعىن ۇيلەردى ەرىگەن سۋ باسۋىنا جول بەرمەۋ ماقساتىندا (2023 جىلعى جەلتوقساننان باستاپ) اكىمدىكتەر ەلدى مەكەندەردەن 450 مىڭ م3 قار شىعاردى.
سۋ تاسقىنى جاعدايى كۇردەلەنگەن كەزدە اكىمدىكپەن بىرلەسىپ، جالپى سانى 1 638 ادام، 350 بىرلىك تەحنيكا، 66 بىرلىك ءجۇزۋ قۇرالدارى، 232 موتوپومپا ازاماتتىق قورعاۋ قىزمەتتەرىنىڭ كۇشتەرى مەن قۇرالدارى دايىندىققا كەلتىرىلدى. جانار-جاعار ماي، ينەرتتى ماتەريالدار، قاپتار قورلارى دايىندالدى.
جەكە قۇرامنان 41 ادام، 10 بىرلىك تەحنيكا، 2 بىرلىك ءجۇزۋ قۇرالى جانە 8 بىرلىك موتوپومپادان تۇراتىن شۇعىل دەن قويۋ جاساعى قۇرىلدى.