اكتوبە وبلىسىندا سوڭعى ەكى ايدا شوشقا تۇماۋىنىڭ 63 جاعدايى انىقتالدى. ۆاكسيناسياسىز بۇل ينفەكسيا اۋىر زارداپتارعا اكەلۋى مۇمكىن.
«موي گورود» پورتالىنىڭ حابارلاۋىنشا، كۇزدە ايماقتا تۇرعىنداردىڭ تەك 14%-ى عانا يممۋنداۋدان وتكەن. مىسالى، اۋرۋحاناعا تۇسكەن 109 جۇكتى ايەلدىڭ تەك ەكەۋى عانا ۆاكسينا العان. اكتوبە وبلىستىق ينفەكسيالىق اۋرۋحاناسى باس دارىگەرىنىڭ ورىنباسارى مايرا نۇرعالييەۆا جاعدايدىڭ كۇردەلىلىگىنە نازار اۋداردى:
«ا جانە ۆ ءتيپتى تۇماۋلار ەڭ ءقاۋىپتى بولىپ سانالادى. ا ءتيپى (شوشقا تۇماۋى) ينفەكسيالىق-توكسيكالىق شوكقا، جۇرەك-قان تامىرلارى جانە تىنىس الۋ جۇيەسىنىڭ زاقىمدالۋىنا اكەلۋى مۇمكىن. ۆاكسينا الماعان جاعدايدا اسقىنۋ ءقاۋپى ارتادى، ونىڭ ىشىندە پنيەۆمونياعا شالدىعۋ ءقاۋپى جوعارى».
ايماقتا اۋرۋشاڭدىق دەڭگەيى 2،8 ەسە وسكەن. 274 ناۋقاس پنيەۆمونيامەن اۋرۋحاناعا جاتقىزىلدى. ولاردىڭ ىشىندە ءبىر جۇكتى ايەل، 14 جاسقا دەيىنگى 208 بالا جانە 1 جاسقا تولماعان 43 ءسابي بار.
ماماندار تۇرعىندارعا ادامدار كوپ جينالاتىن ورىندارعا بارماۋعا جانە بەتپەردە تاعۋعا كەڭەس بەرۋدە.