اقتوبە وبلىسىندا ءبىر جاسار قىز قۇدىققا قۇلاپ كەتتى

وقيعا 21 ناۋرىزدا مارتوك اۋدانىنداعى جايساڭ اۋىلىندا بولعان.

اقتوبە وبلىسىندا ءبىر جاسار قىز ءتورت مەترلىك قۇدىققا قۇلاپ كەتكەن، دەپ حابارلايدى اlmaty-akshamy.kz Tengrinews.kz سىلتەمە جاساپ.

وقيعا 21 ناۋرىزدا مارتوك اۋدانىنداعى جايساڭ اۋىلىندا بولعان. ءبىر جاسار قىز ءوز اۋلاسىنداعى قۇدىققا قۇلاپ كەتكەن. اۋىلعا ورتالىق سۋ قۇبىرى تارتىلعانشا وسى قۇدىقتان سۋ الىنعان. شۇڭقىر جابىلعان، ءبىراق جەر شەتتەرىمەن قيراپ، ساڭىلاۋ پايدا بولعان، ناتيجەسىندە بالا ساڭىلاۋعا قۇلاپ كەتكەن.

«قىزىم ەكى مەترگە قۇلاپ كەتكەن. ول كەزدە جۇبايىم مەن قايىن اتام اۋلادا ەدى. قايىن اتام ونى ءوزى شىعارىپ الماق بولدى، ءبىراق ول تەرەڭدەپ بارعان سايىن كورىنبەگەن. ايەلىم تەلەفون سوقتى، مەن بىردەن جەتتىم، دوسىم دانياردى شاقىردىم. بار شارۋاسىن تاستاپ، جايساڭعا كەلەدى»، - دەيدى كىشكەنتاي ءمادينا مەدەتتىڭ اكەسى.

دانيار ءتورت مەتر تەرەڭدىكتەگى قۇدىققا تۇسكەن. كىشكەنتاي قىزدى شىعارۋ وڭاي بولماعان. دانيار ونى كۇرتەشەسىنەن سۇيرەپ الماق بولعاندا، قىزدىڭ كۇرتەشەسى شەشىلىپ قالعان، ال بالانى شىعارىپ الا الماعان. كەيىن ول جەردى قولىمەن تىرماۋعا ءماجبۇر بولدى. ءبىراز ۋاقىتتان كەيىن ول قىزدى كوتەرىپ ۇلگەرگەن.

«قۇتقارۋشىلار كەلگەندە، بالانى الىپ شىعىپ ۇلگەرگەن. دانيارعا العىسىمىز شەكسىز. ونىڭ دا كىشكەنتاي بالاسى بار. بالاعا جاقىندا سانكت-پەتەربۋرگتە وتا جاسالدى. دانيار جۇمىسسىز، باسپاناسى جوق. ءبىز وعان كوپ بولىپ، ءبارىمىز بىرىگىپ ۇلىن ەمدەۋگە كومەكتەستىك. ەندى قىزىمىزدى امان الىپ قالدى»، - دەيدى مەدينانىڭ اكەسى مەدەت قاراقۇلوۆ.

وقيعادان كەيىن مەدەتتىڭ اۋلاسىنداعى قۇدىق بىردەن قورشالعان. ءقازىر كىشكەنتاي قىزدىڭ جاعدايى جاقسى.

جەلى قولدانۋشىلارى دانيار مادياروۆتى ماراپاتتاۋ كەرەك دەگەن پىكىردە.