كومپانيا قىزمەتكەرى قاتە جىبەرگەن
اقتاۋدا كوشەدەگى جاڭاجىلدىق قۇتتىقتاۋ ءسوزى جۇرتتى كۇلدىردى. قالا اكىمدىگى قۇتتىقتاۋدا قاتە نەدەن كەتكەنىن ءتۇسىندىردى، دەپ حابارلايدى Almaty-akshamy.kz Lada.kz-كە سىلتەمە جاساپ.
الەۋمەتتىك جەلىلەردە قالا تۇرعىندارى جاڭاجىلدىق قۇتتىقتاۋ ماتىنىنە بەلسەندى تۇردە پىكىر بىلدىرۋدە.
قالا اكىمدىگى ءماتىندى جۇكتەۋ كەزىندە كومپانيا قىزمەتكەرى قاتە جىبەرگەنىن، ول بىرنەشە مينۋت ىشىندە بىردەن تۇزەتىلگەنىن ايتتى.
«تەحنيكالىق اقاۋلار ءۇشىن كەشىرىم سۇرايمىز جانە تۇسىنىستىكپەن قاراۋلارىڭىزدى سۇرايمىز. سىزدەردى كەلە جاتقان جاڭا جىلمەن قۇتتىقتايمىز جانە ءار وتباسىنا باقىت پەن اماندىق تىلەيمىز»، – دەدى اكىمدىكتەگىلەر.