اقتاۋدا پوليسيا قىزمەتكەرلەرى رەيدتىك ءىس-شارا كەزىندە Toyota Land Cruiser Prado ماركالى جول تالعامايتىن كولىكتى توقتاتپاق بولعان. قىزمەتكەرلەر جۇرگىزۋشىنىڭ قۇجاتتارىن تەكسەرمەك بولعاندا، رۋلدە ءجاسوسپىرىم بالا وتىرعانى انىقتالعان، دەپ حابارلايدى aqshamnews.kz
الايدا جاس جۇرگىزۋشى پوليسەيلەردىڭ تالاپتارىنا باعىنباي، كولىكپەن قاشۋعا ارەكەتتەنگەن. جول قوزعالىسى ەرەجەلەرىن ورەسكەل بۇزعان بوزبالا بىرنەشە رەت اپاتتى جاعداي تۋعىزىپ، بىرنەشە كوشەنى كەسىپ وتكەن. پوليسيانىڭ جەدەل ارەكەتىنىڭ ارقاسىندا ءجاسوسپىرىم كوپ ۇزاماي ۇستالدى.
كولىكتىڭ يەسى انىقتالىپ، ءجاسوسپىرىمنىڭ زاڭدى وكىلىنە قاتىستى بىرنەشە اكىمشىلىك حاتتاما تولتىرىلدى. اتاپ ايتقاندا:
-
ءجاسوسپىرىمنىڭ كولىك قۇرالىن باسقارۋ قۇقىعى جوق بولا تۇرا رۋلگە وتىرعانى ءۇشىن،
-
پوليسيا تالابىنا باعىنباعانى ءۇشىن،
-
جول قوزعالىسى ەرەجەلەرىن بۇزعانى ءۇشىن.
سونىمەن قاتار، كولىك ارنايى ايىپپۇل تۇراعىنا قويىلدى.
ماڭعىستاۋ وبلىستىق پوليسيا دەپارتامەنتىنىڭ مالىمەتىنشە، قازىرگى ۋاقىتتا بۇل وقيعا بويىنشا قوسىمشا تەكسەرۋ جۇمىستارى جۇرگىزىلىپ جاتىر، زاڭدى وكىلدىڭ جاۋاپكەرشىلىگى قارالۋدا.
پوليسيا اتا-انالار مەن كولىك يەلەرىنە كامەلەتكە تولماعان بالالارعا كولىكتى باسقارۋعا جول بەرمەۋ قاجەتتىگىن قاتاڭ ەسكەرتەدى. مۇنداي نەمقۇرايلىق اۋىر زارداپتارعا اكەلۋى مۇمكىن.