بۇل - وداق ەمەس، بۇل - تاريحي ىنتىماقتاستىق.
ەنەرگەتيكا ءمينيسترى بولات اقشولاقوۆ 1 اقپاندا وتكەن القالى جيىننان تىس جۋرناليستەردىڭ رەسەي، وزبەكستان جانە قازاقستان اراسىندا ءۇشجاقتى گاز وداعىن قۇرۋ ىقتيمالدىلىعىنا قاتىستى قويعان سۇراعىنا جاۋاپ بەردى، دەپ حابارلايدى Almaty-akshamy.kz Zakon.kz-كە سىلتەمە جاساپ.
بولات اقشولاقوۆ بۇل ارادا وداق قۇرۋ تۋرالى ءسوز بولىپ جاتپاعانىن ايتتى.
"تاريحي تۇرعىدان العاندا، ءبىز ءارقاشان بىر-بىرىمىزبەن ءوزارا ەتەنە قابىسىپ، جۇمىس ىستەپ كەلەمىز. كەلىسىمشارت جۇيەسى كەشە نەگىزىن قالاعان جوق، ول جاڭعىرتىلىپ وتىرادى. بۇگىنگى تاڭداعى جاعداي بىلاي، مىسالى، وزبەكستاننىڭ تابيعي گازعا دەگەن قاجەتتىلىگى بار دەلىك، ال ونداي كولەمنىڭ جالعىز كوزى – رەسەي بولىپ جاتسا، تيىسىنشە، مۇنى قانداي دا ءبىر جولمەن جەتكىزۋ كەرەك بولادى. سول كەزدە ترانزيت رەتىندە قازاقستان اۋماعى ارقىلى جونەلتۋگە تۋرا كەلەدى"،- دەدى ق ر ەنەرگەتيكا ءمينيسترى.
سونىمەن قاتار، ول بۇل ارادا قازاقستاننىڭ سولتۇستىگى مەن شىعىسىن گازداندىرۋ ماسەلەسى، وندا دا ءبىرىنشى كەزەكتە رەسەي گازىن جەتكىزۋ ەسەبى تۇرعىسىنان پاراللەل قاراستىرىلىپ جاتقانىن جەتكىزدى.
"رەسۋرستىق بازانى ۇلعايتۋ ءۇشىن ۋاقىت قاجەت. بۇل وداق ەمەس، بۇل تاريحي ىنتىماقتاستىق. بۇرىن، 15-20 جىل بۇرىن گازدى ورتا ازيادان رەسەيگە قاراي ايدايتىن. بۇگىن كۇنى، كەرىسىنشە بولادى، سوندىقتان دا بۇل ارادا تەحنيكالىق جايتتار الدان شىعۋدا، ول ءۇشىن بىرگە جينالىپ، وسى ماسەلەلەردى شەشۋ كەرەك بولادى"، - دەدى بولات اقشولاقوۆ.