قاۋىپسىزدىك ساراپشىلارىنىڭ پىكىرىنشە، ارزان تاۋارلار نەمەسە قىزمەتتەر «ساتۋ» سياقتى سحەما الاياقتار كەڭىنەن قولدانىلاتىن ادىستەردىڭ ءبىرى. الداۋدى تانىپ، كيبەر ۇرىلاردىڭ قارماعىنا تۇسپەي، قالاي ۇنەمدەۋگە بولاتىنى جايلى ايتىپ بەرەيىك.
بۇل وتە قاراپايىم، ءبىراق ءتيىمدى سحەما. وعان جۇزدەگەن قازاقستاندىق تاپ بولادى، دەپ حابارلايدى Almaty-akshamy.kz Stopfake.kz-كە سىلتەمە جاساپ.
ول قالاي جۇمىس ىستەيدى؟
الاياقتار ءونىمدى نەمەسە قىزمەتتەردى وتە تومەن باعامەن ساتىلىمعا شىعارادى. ولار ارنايى سايتتاردا پايدالانىلعان تاۋارلاردى «ساتادى» نەمەسە تاۋارلارى قولدا بار Instagram دۇكەنى رەتىندە قىزمەت ەتۋى مۇمكىن. سحەمادا ءارتۇرلى كۋرستار، ترەنينگتەر نەمەسە سۇرانىس جوعارى باسقا قىزمەتتەر دە ۇسىنىلادى.
ەگەر باعا تىم ارزان بولسا، مۇنىڭ وتىرىك ەكەنىن ءبارى تۇسىنەدى ەمەس پە؟
كەيدە عانا. ادەتتە، الاياقتار الەۋەتتى كليەنتتەرگە «ءبىز تىكەلەي جەتكىزۋشىلەرمىز»، «قويماداعى زاتتار ساتىلۋدا» جانە ت.ب. ايتادى. ياعني، ولار باعانىڭ تومەندىگى ءونىمنىڭ ساپاسىزدىعىنا بايلانىستى ەمەس، بۇعان باسقا دا سەبەپتەر بار ەكەنىنە كوندىرەدى. ال كۋرستار نەمەسە باسقا قىزمەتتەر ۇسىنىلسا، وندا الاياقتار جاپپاي ساتىلىم، سۋپەر-اكسيانىڭ سوڭعى كۇنى دەپ ايتۋى مۇمكىن.
ساتۋشىنىڭ سەنىمدى ەكەنىنە كوز جەتكىزۋ ءۇشىن ءونىمنىڭ فوتوسۋرەتى مەن ۆيدەوسىن سۇراي الامىن
بۇل قاۋىپسىزدىككە كەپىلدىك بەرمەيدى. الاياقتار فوتوسۋرەتتەر مەن ۆيدەولاردى جەلىدەن الادى نەمەسە ساتىپ الۋشى رەتىندە وسىعان ۇقساس ءونىمدى ساتۋشىلاردان سۇراۋى مۇمكىن.
الاياقتار اقشانى قالاي الادى؟
كليەنت الاياقتارعا سەنىپ، ساتىپ الۋعا دايىن بولعان كەزدە، ولار تاۋار ءۇشىن الدىن الا تولەم جاساۋىن سۇرايدى. ادەتتە ولار تاۋاردىڭ ءبىر عانا داناسى قالدى، ونى الام دەۋشىلەر كوپ، سوندىقتان وعان «برون» قويۋ ءۇشىن تولەم جاساۋ كەرەك دەيدى. ەگەر كليەنت تولىق قۇنىن تولەۋگە كەلىسپەسە، وندا الاياقتار مۇنىمەن توقتاماي، الدىن-الا تولەم رەتىندە باعانىڭ بەلگىلى ءبىر بولىگىن سۇرايدى.
كارتادان اقشا اۋدارعانىم كورىنىپ تۇرادى. ولاي بولسا، مەن ونى قايتارا الامىن با؟
بۇل كەيبىر جاعدايلاردا عانا مۇمكىن بولادى. قارجىلىق قاۋىپسىزدىك جونىندەگى مامان دامير نۇريتدينوۆ تۇسىندىرگەندەي، كارتادان كارتاعا اقشا اۋدارۋ قانداي دا ءبىر قىزمەت كورسەتۋدىڭ نەمەسە تاۋار ساتۋدىڭ كەپىلى بولىپ تابىلمايدى جانە ول وتەۋسىز بولىپ سانالادى. ق ر ازاماتتىق كودەكسىندە نەگىزسىز بايۋ تۋرالى باپ بار. ول ءسىز قاتەلەسىپ بىرەۋگە اقشا اۋدارعان جاعدايلارعا قاتىستى. الايدا ونى قولدانۋ ءۇشىن سوتتا قاتەلىك جىبەرگەنىڭىزدى دالەلدەۋ كەرەك.
ەگەر رەسمي تولەم شوتىن سۇراسام بولا ما؟ بۇل ءقاۋىپسىز بە؟
جوق. الاياقتار باسقا بىرەۋدىڭ جەكە كاسىپكەرلىك كابينەتتەرىن جالعا الىپ، ولاردىڭ بانكتىك قوسىمشالارداعى شوتتارىنا كىرە الادى. بۇل سحەما قالاي جۇمىس ىستەيتىنى تۋرالى ءبىز بۇعان دەيىن جازعان بولاتىنبىز.
ولاي بولسا، ساتىپ الۋ كەزىندە قاۋىپسىزدىككە قالاي كەپىلدىك بەرۋگە بولادى؟
ەگەر ءونىمدى قولدان ساتىپ الساڭىز، وندا ساتۋشىمەن كەزدەسىپ، ونىڭ ساپاسىن كورىپ (قولدا بارىن ءبىلىپ)، باعالاعان دۇرىس! ەگەر جاڭا تاۋار ساتىپ الماق بولساڭىز، ونى رەسمي دۇكەندەردەن نەمەسە تەكسەرىلگەن ءىرى ماركەتپلەيستەردەن العانىڭىز ءجون، وندا ساتىپ الۋشىلار دا، ساتۋشىلار دا الاياقتاردان قورعالعان