قازاقستان قارۋلى كۇشتەرىنىڭ اسكەري قىزمەتشىلەرى 3-8 ناۋرىز ارالىعىندا اريزونا شتاتىنىڭ فەنيكس جانە فلورەنس قالالارىندا وتكەن "ۇزدىك جاۋىنگەر-2024" جارىستارىندا ولجالى ونەر كورسەتتى.
سەرجانت مۇحيادين سماعۇل مەن 2-سىنىپتى سەرجانت ورىنبەك ساندىبەكوۆ "ۇزدىك جاۋىنگەر-2024" جارىسىندا ب ا ق سىناعان 40 قاتىسۋشىنىڭ ىشىندەگى بىردەن-بىر شەتەلدىكتەر بولدى، دەپ حابارلايدى Almaty-akshamy.kz ق ر قورعانىس مينيسترلىگىنە سىلتەمە جاساپ.
ۇلتتىق ۇلاننىڭ، قارۋلى كۇشتەردىڭ جانە اقش-تىڭ باسقا دا كۇشتىك قۇرىلىمدارى ارنايى بولىمشەلەرىنىڭ اسكەري قىزمەتشىلەرى قاتىسقان جارىستا قازاقستاندىق اسكەريلەر جاۋىنگەرلىك دايىندىققا بايلانىستى بارلىق كەزەڭدەردە ۇزدىك ناتيجەلەر كورسەتتى.
اسكەري قىزمەتشىلەر مۇحيادين سماعۇل مەن ورىنبەك ساندىبەكوۆ دەنە دايىندىعى، امەريكالىق ۇلگىدەگى اتىس قارۋىن بولشەكتەۋ، قۇراستىرۋ، ولاردى جاۋىنگەرلىك كۇيگە كەلتىرۋ، تاپانشادان، اۆتوماتتان جانە پۋلەمەتتەن اتۋ جونىندەگى نورماتيۆتەردى ءساتتى ورىندادى.
جارىس باعدارلاماسىندا، سونداي-اق راديوستانسيانى باپتاۋ جانە بايلانىسقا شىعۋ، تۇنگى جانە كۇندىزگى ۋاقىتتا جەرگىلىكتى جەردى باعدارلاۋ، العاشقى مەديسينالىق كومەك كورسەتۋ، جارالىلاردى الىپ شىعۋ سەكىلدى تاپسىرمالار دا بولدى.
20 شاقىرىمدىق مارش كەزىندە قولىنداعى قارۋ-جاراقپەن جانە 16 كيلوگرامدىق مۇلىكپەن 35ء-شى گۆارديالىق دەسانتتىق-شابۋىلداۋ بريگاداسىنىڭ سەرجانتى مۇحيادين سماعۇل ءبىر ساعات 59 مينۋتتا مەجەلى قاشىقتىقتى ەڭسەرىپ، جەڭىسكە جەتتى.
«جارىستى ۇيىمداستىرۋشىلار بايقاۋ تاريحىندا مۇنداي جاعداي ءالى بولعان جوق دەپ مالىمدەدى. ءبىزدىڭ دەسانتشىمىزدىڭ جەتىستىگىن اتى اڭىزعا اينالعان كەنيالىق جۇگىرۋشى، وليمپيادا چەمپيونى ەليۋد كيپچوگەنىڭ رەكوردىمەن سالىستىردى»، – دەپ ناقتىلادى قازاقستان قارۋلى كۇشتەرىنىڭ باس سەرجانتى شەبەر سەرجانت تەمىربەك حالىقوۆ.
2-سىنىپ سەرجانت ورىنبەك ساندىبەكوۆ تە جاۋىنگەرلىك دايىندىق پاندەرىندە ۇزدىك ناتيجەگە جەتىپ، مارشتا ەكىنشى ورىننان كورىندى.