اقش-تىڭ ءبىرىنشى حانىمىنان كوروناۆيرۋس انىقتالدى

 اقش-تىڭ ءبىرىنشى حانىمى دجيلل بايدەن COVID-19 ۆيرۋسىن جۇقتىرعانى بەلگىلى بولدى.

اق ءۇيدىڭ دۇيسەنبى كۇنى جاساعان مالىمدەمەسىنە سايكەس، پرەزيدەنت دجو بايدەننىڭ ءۇندىستانداعى «ۇلكەن جيىرمالىق» سامميتىنە باراردان بىرنەشە كۇن بۇرىن دجيلل بايدەن كوروناۆيرۋسقا تەستتەن وتكەن. بايدەننىڭ 72 جاستاعى ايەلى بۇعان دەيىن كوروناۆيرۋسپەن وتكەن جىلدىڭ تامىز ايىندا اۋىرعان ەدى. ءقازىر ونىڭ بويىندا ۆيرۋستىڭ جەڭىل بەلگىلەرى بار. اقش پرەزيدەنتى دجو بايدەن سوڭعى رەت 2022 جىلدىڭ شىلدەسىندە كوروناۆيرۋسپەن اۋىرىپ شىققان، دەپ حابارلايدى Almaty-akshamy.kz قازاقپاراتقا سىلتەمە جاساپ.

«بۇگىن كەشكە تەستىلەۋ قورىتىندىسى بويىنشا امەريكا قۇراما شتاتتارىنىڭ ءبىرىنشى حانىمىنان COVID-19 ۆيرۋسى انىقتالدى. ول دەلاۆەر شتاتىندا ورنالاسقان رەحوبوت-بيچتەگى ۇيىندە قالادى»، - دەدى ونىڭ قوعاممەن بايلانىس جونىندەگى ديرەكتورى ەليزابەت الەكساندەر.

پرەزيدەنت بايدەننىڭ كوروناۆيرۋسقا تاپسىرعان تەستى تەرىس بولىپ شىققانى حابارلاندى. وسى اپتادا پرەزيدەنت جۇيەلى تۇردە تەستىلەۋدەن ءوتىپ، ۆيرۋس بەلگىلەرىنىڭ بار-جوعىن باقىلاپ وتىرادى.

بۇعان دەيىن اق ءۇي دجو بايدەننىڭ نيۋ-دەليدە 9-10 قىركۇيەك ارالىعىندا وتەتىن G20 سامميتىنە قاتىساتىنىن حابارلاعان بولاتىن.