امەريكا قۇراما شتاتتارىنىڭ الماتىداعى باس كونسۋلى كارولين سيەۆيچ الماتىنىڭ ورتالىق مەشىتىندە بولدى.
الماتى قالاسىنىڭ باس يمامى تولەبي ءدادىل ۇلى باس كونسۋل كارولين سيەۆيچ پەن كومەكشىسى، ديپلومات سامۋەل فانتەلامەن كەزدەسىپ، مەشىتتىڭ ءدىني تىنىس-تىرشىلىگىمەن تانىستىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سونداي-اق، قازاقستان ۇلت پەن ۇلىستى ءبولىپ جارماي، بىرنەشە ءدىن وكىلدەرىن ءبىر شاڭىراق استىندا تاتۋ ءومىر سۇرۋىنە جاعداي جاسالعانىن اتاپ ءوتتى.
«اقش-تىڭ كونسۋلدىق وكىلدەرى قازاقستاننىڭ ءدىني تۇراقتىلىق پەن كەلىسىم نەگىزىندەگى ساياساتىن قولدايتىنىن جەتكىزدى. كارولين سيەۆيچ بارشا مۇسىلمان ءۇشىن قاسيەتتى رامازان ايىنىڭ كەلۋىمەن قۇتتىقتادى. باس يمام تولەبي ءدادىل ۇلى قازاقى سالتپەن قوناقتارعا كادەسىي تارتۋ ەتىپ، ۇلتتىق ءدام ۇسىندى»، - دەپ حابارلادى الماتى ورتالىق مەشىتىنىڭ باسپا ءسوز قىزمەتى.