اقش-تاعى سايلاۋ – دەموكراتياعا دەگەن سىناق

امەريكاندىقتار ءوز تاڭداۋىن جاسايدى.

8 قاراشادا اقش-تىڭ بارلىق شتاتىندا جاپپاي "ارالىق سايلاۋلار" ءوتتى، دەپ حابارلايدى Almaty-akshamy.kz Inbusiness.kz cىلتەمە جاساپ.

دەموكراتيانىڭ ۇستىنى سانالاتىن بۇل ەل وسى الامان دودانى ءداستۇرلى تۇردە ءىس باسىنداعى پرەزيدەنتتىڭ وكىلەتتىك مەرزىمى تەڭ ورتاسىنا كەلگەندە ۇيىمداستىرادى. ازاماتتار پارلامەنتتىڭ تومەنگى، ياعني وكىلدەر پالاتاسىنىڭ 435 مۇشەسىن، جوعارعى پالاتا سەناتتىڭ ۇشتەن ءبىرىن، سونداي-اق 36 شتاتتىڭ "اكىمىن" تاڭدايدى.

ساياساتتانۋشى، The Washington Post ساياسي شولۋشىسى اارون بلەيك اقش-تا قالىپتاسقان تاعى ءبىر ساياسي داستۇرگە نازار اۋدارتتى.

"ارالىق سايلاۋلار ءوز وكىلى ارقىلى اق ءۇيدى باقىلاۋدا ۇستاپ وتىرعان پارتيا ءۇشىن ءاردايىم ىڭعايسىز"، – دەپ اتاپ ءوتتى. سوڭعى ءجۇزجىلدىقتا وتكەن 25 ارالىق سايلاۋدىڭ 19-ىندا وپپوزيسيا ايقىن جەڭگەن.

امەريكانىڭ قازىرگى پرەزيدەنتى دەموكرات ەكەنىن ەسكەرسەك، بۇل جولى دەموكراتيالىق پارتيا ويسىراي جەڭىلىپ، دونالد ترامپ پەن يلون ماسك سياقتى بەدەلدى تۇلعالار دارىپتەگەن رەسپۋبليكالىق پارتيا ايقىن جەڭىسىن تويلاۋعا ءتيىس ەدى. مۇنى ءىس باسىنداعى ليدەر دە تۇسىنسە كەرەك.