اقش بەيجىڭ وليمپياداسىنا ديپلوماتيالىق بويكوت جاريالاۋ مۇمكىندىگىن قاراستىرىپ جاتقانىن پرەزيدەنت دجو بايدەن راستادى، دەپ حابارلايدى almaty-akshamy.kz Reuters اگەنتتىگىنە سىلتەمە جاساپ.
اگەنتتىكتىڭ حابارلاۋىنشا، ديپلوماتيالىق بويكوت اقش شەنەۋنىكتەرىنىڭ اقپان ايىندا بەيجىڭدە وتەتىن قىسقى وليمپيادا ويىندارىنىڭ اشىلۋىنا قاتىسپايتىنىن بىلدىرەدى.
بۇل قاراستىرىلىپ جاتىر، – دەدى بايدەن اقش اكىمشىلىگى بويكوت جاريالاۋ قاراستىرىلىپ جاتىر ما دەگەن سۇراققا.
ەكى پارتيا بەلسەندىلەرى مەن كونگرەسس مۇشەلەرى اقش ۇكىمەتىنىڭ قىتايدى شىڭجاڭنىڭ باتىسىنداعى مۇسىلمان ەتنيكالىق توپتارىنا قارسى گەنوسيد جاسادى دەپ ايىپتاۋىن ەسكەرە وتىرىپ، بايدەن اكىمشىلىگىنىڭ بۇل شاراعا ديپلوماتيالىق بويكوت جاريالاۋىن تالاپ ەتتى، ال بەيجىڭ مۇنى جوققا شىعاردى.
اق ءۇيدىڭ باسپا ءسوز حاتشىسى دجەن پساكي كەزەكتى بريفينگتە اقش-تىڭ قىسقى وليمپيادا ويىندارىنا ديپلوماتيالىق بويكوت جاريالاۋىن قاراستىرۋىنا شىڭجاڭداعى ادام قۇقىقتارىنا الاڭداۋشىلىق سەبەپ بولعانىن ايتتى.
ءبىزدى الاڭداتاتىنى ادام قۇقىعىنىڭ بۇزىلۋى. ءبىز بۇل ماسەلەگە الاڭدايمىز. ارينە، قاتىسپايتىنداي ءبىرقاتار فاكتور بار، – دەدى پساكي جۋرناليستەرگە.