اقش پرەزيدەنتى دجو بايدەن فايزەر-بيوتەك ەكپەسىنىڭ ءۇشىنشى دوزاسىن قابىلدادى، دەپ حابارلايدى almaty-akshamy.kz
وسىلايشا اق ءۇي باسشىسى كوۆيد ىندەتىنە قارسى بۋستەردىڭ ءقاۋىپسىز ەكەندىگىن كورسەتۋدى ۇيعاردىم دەيدى. اقش-تىڭ اۋرۋلاردى باقىلاۋ جانە الدىن الۋ ورتالىعىنىڭ ماماندارى ەكپەنىڭ ءۇشىنشى كومپونەنتى 65 جاستان اسقاندار مەن ارنايى كۇتىمدى قاجەت ەتەتىن ادامدارعا ارنالعانىن مالىمدەدى. سونىمەن قاتار، ءۇشىنشى دوزا قاتەرلى ۆيرۋستى جۇقتىرۋ ءقاۋپى جوعارى ورىنداردا جۇمىس ىستەيتىن 18 بەن 64 ارالىعىنداعى تۇرعىندارعا الۋعا كەڭەس بەرىلگەن. بۋستەردى الۋ ءۇشىن ەكىنشى قوس قومپونەنتتى العاننان كەيىن 6 اي كۇتۋ قاجەت دەيدى ماماندار.
– مەنىڭ جاسىم 65-تەن اسقان. دەمەك بۋستەردىڭ ماڭىزدىلىعىن ءتۇسىنۋ كەرەك. ەڭ باستىسى، ەكپەنىڭ تولىق كومپونەنتىن العان ادامنىڭ اعزاسى كوۆيدكە دە، باسقا قاتەرلى اۋرۋلارعا دا قارسى تۇرا الادى. دەمەك امەريكالىقتار ءۇشىنشى كومپونەنتتى سالدىرۋدىڭ قاجەتتىگىن ۇعىنۋى ءتيىس. وكىنىشكە قاراي، قازىرگى تاڭدا حالقىمىزدىڭ 23 پروسەنتى ۆاكسينانىڭ ءالى بىردە ءبىر دوزاسىن الماعان. بۇل ەپيدجاعدايدى ۋشىقتىرا تۇسەتىنى انىق دەيدى دجو بايدەن.
ايتا كەتەيىك، وسى كۇنگە دەيىن امەركيالىقتاردىڭ 189 ميلليونى نەمەسە اقش حالقىنىڭ 55 پروسەنتى عانا تولىقتاي ۆاكسينالانعان.