بۇل تۋرالى اق ءۇيدىڭ باسپا ءسوز حاتشىسى كارين جان-پەر مالىمدەدى، دەپ حابارلايدى اlmaty-akshamy.kz Inbusiness.kz. سىلتەمە جاساپ.
ونىڭ ايتۋىنشا، «بەلارۋس رەسەيگە ۋكرايناعا قارسى سوعىس جۇرگىزۋگە مۇمكىندىك بەرىپ، وعان قولداۋ كورسەتتى جانە بەلارۋس تەرريتورياسىن رەسەي اسكەرلەرى ءۇشىن الاڭ رەتىندە پايدالانۋعا جول اشتى».
«ءبىز رەسەيلىك اسكەردىڭ ءجۇرىس-تۇرىسىن مۇقيات قاداعالاپ وتىرامىز. و باستا قالاي ارەكەت ەتسەك، ءقازىر دە سول قارقىننان تايىنبايمىز. بەلارۋس تە ءبىزدىڭ نازاردا. ال ۋكراينامەن تىعىز بايلانىس جالعاسىن تابادى، ويتكەنى ول رەسەيلىك اگرەسسياعا باتىل جاۋاپ قايتارۋدا»، - دەدى ول.
ءوز كەزەگىندە مەملەكەتتىك دەپارتامەنتتىڭ وكىلى نەد پرايس ۆاشينگتون بەلارۋسكە قاتىستى جاڭا شەكتەۋ شارالارىن ەنگىزۋى مۇمكىن دەپ حابارلادى.
«ەگەر بەلارۋس ۋكراينادا سوعىس قيمىلدارىن جۇزەگە اسىرۋعا قوسىمشا كومەك كورسەتسە، اقش قوسىمشا شەكتەۋ شارالارىن قولدانۋ ارقىلى ءتيىستى جاۋاپ قايتارادى»، - دەدى ول.