14 جاسقا دەيىنگى بالالار اراسىندا COVID-19 جاعدايلارىنىڭ ءوسۋى بايقالادى
بيىلعى 7 جەلتوقسانداعى جاعداي بويىنشا اقمولا وبلىسىندا كوروناۆيرۋستىق ينفەكسيامەن سىرقاتتانۋشىلىق بويىنشا ەپيدەميولوگيالىق جاعداي سالىستىرمالى تۇردە تۇراقتى. الايدا، 14 جاسقا دەيىنگى بالالار اراسىندا COVID-19 جاعدايلارىنىڭ ءوسۋى بايقالادى. بۇل تۋرالى جۋرناليستەرمەن وتكەن بريفينگىدە اقمولا وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى ايناگۇل مۋسينا مالىمەت ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءوڭىردىڭ باس مەملەكەتتىك سانيتارلىق دارىگەرىنىڭ ايتۋىنشا، قازان ايىندا 13 بالا اۋىرىپ قالدى، بۇل ناۋقاستاردىڭ جالپى سانىنىڭ 12،7 پايىزىن قۇرادى، قاراشادا-12 بالا (12،4 پايىز)، جەلتوقساندا 9 بالا، بارلىق جاعدايلاردىڭ ۇلەس سالماعى 29 پايىز بولدى. جەلتوقسان ايىندا COVID-19-دىڭ 38 جاعدايى تىركەلدى، سوڭعى اپتادا 4 جاعدايدىڭ ءوسۋى بايقالدى، ونىڭ 95 پايىزى سيمپتوماتيكالىق، 5 پايىزى اسيمپتوماتيكالىق.
وسى رەتتە، ناۋقاستاردىڭ ەڭ كوپ پايىزى قاجەتتى يممۋنيتەتى جوق ادامداردا - 76،9 پايىز (197 ادام)، ونىڭ ىشىندە ۆاكسيناسيالانباعانداردا - 48،4 پايىز (124 ادام)، ۋاقتىلى ريەۆاكسيناسيا الماعانداردا - 8،5 پايىز (73 ادام) بولدى. قازان ايىندا اۋىرعانداردىڭ 119-ى، ونىڭ 57ء-سى (47،8 پايىز) ۆاكسيناسيالانباعان، 34ء-ى (54،8 پايىز) ۋاقتىلى ريەۆاكسيناسيا الماعان، 91ء-ى (76،4 پايىز) يممۋنيتەتى جەتكىلىكسىز. قاراشا ايىندا اۋىرعانداردىڭ 99-ى، ولاردىڭ 46-سى (46،4 پايىز) ۆاكسيناسيالانباعان، 29-ى (54،7 پايىز) ۋاقتىلى ريەۆاكسيناسيا الماعان، 75ء-ى (75،7 پايىز) يممۋنيتەتى جەتكىلىكسىز. جەلتوقسان ايىندا اۋىرعانداردىڭ 38ء-ى، ونىڭ 21ء-ى (55،2 پايىز) ۆاكسيناسيالانباعان، 10-ى (58،8 پايىز) ۋاقتىلى ريەۆاكسيناسيا الماعان، 31ء-ى (81،5 پايىز) يممۋنيتەتى جەتكىلىكسىز.
«بۇگىنگى تاڭدا وبلىستا كوروناۆيرۋستىق ينفەكسيانى جۇقتىرعان ناۋقاستاردى اۋرۋحاناعا جاتقىزۋ ءۇشىن 63 توسەك-ورىن جايعاستىرىلدى، 7 جەلتوقسانداعى جاعداي بويىنشا ونىڭ 3 پايىزىنا ناۋقاستار ورنالىستىرىلدى. اۋرۋحاناعا جاتقىزىلعانداردىڭ بارلىعى-3 ادام، ونىڭ ىشىندە بىرەۋى بالا، بىرەۋى جۇكتى ايەل»، - دەدى ءوڭىردىڭ باس مەملەكەتتىك سانيتارلىق دارىگەرى ايناگۇل مۋسينا.
ايتا كەتسەك، اقمولا وبلىسىندا ەكى مەديسينالىق نىسان پايدالانۋعا بەرىلدى.