الماتىداعى «اقجار» شاعىن اۋدانىنىڭ 22 مىڭنان استام تۇرعىنى جاڭا سۋ قۇبىرىنان اۋىز سۋ الادى، دەپ حابارلايدى almaty-akshamy.kz
بۇگىن، 1 تامىزدا الماتىداعى «اقجار» شاعىن اۋدانىندا جاڭا سۋ قۇبىرى مەن سورعى ستانسياسى ىسكە قوسىلدى. قازىرگى ۋاقىتتا ىسكە قوسۋ جانە جوندەۋ پروسەسى ءجۇرىپ جاتىر، ول بىرنەشە كۇنگە سوزىلۋى مۇمكىن. وسىدان كەيىن تۇرعىن ۇيلەر سالىنعان سۋ قۇبىرىنا كەزەڭ-كەزەڭىمەن قوسىلادى.
مەگاپوليستى سۋمەن جابدىقتاۋدىڭ تەحنولوگيالىق تىزبەگىنە سۋ قۇبىرىن قوسۋ جۇمىستارى قاتار اياقتالۋدا. ديامەترى 400 مم جانە ۇزىندىعى 3،4 كم تازا سۋ رەزەرۆۋارلارى مەن كاسكادتى سورعى ستانسياسى بار سۋ قۇبىرى "اقجار" شاعىن اۋدانىنىڭ جەلىلەرىن قالانىڭ جەراستى سۋ قويمالارىنا قوساتىن بولادى.
نىسان جوبالىق قۋاتتىنا جەتكەن سوڭ 22 مىڭنان استام تۇرعىنى بار «اقجار» شاعىن اۋدانىنىڭ 4 مىڭعا جۋىق ءۇيى اۋىز سۋمەن قامتاماسىز ەتىلەدى.
«اقجار» شاعىن اۋدانىنىڭ سۋمەن جابدىقتاۋ جانە كارىز جۇيەسىن دامىتۋ جوباسىن ىسكە اسىرۋدى اياقتاۋ بارىسىندا مۇندا 28،8 كم جەلى سالۋ كوزدەلگەن. ناۋرىزباي اۋدانىندا بارلىعى 130 كم سۋ قۇبىرى جانە 65 كم كارىز جەلىلەرى سالىندى. 2023 جىلدىڭ سوڭىنا دەيىن قارعالى وزەنىندە جاڭا سۇزگى ستانسياسىنىڭ قۇرىلىسى اياقتالادى. ال 2025 جىلعا دەيىن اقساي وزەنىندە وسىنداي سۇزگى ستانسياسىنىڭ قۇرىلىسىن اياقتاۋ جوسپارلانۋدا. مۇنىڭ ءبارى ناۋرىزباي اۋدانىنىڭ 150 مىڭ تۇرعىنىن تۇراقتى سۋمەن قامتاماسىز ەتۋگە مۇمكىندىك بەرەدى.
ايتا كەتەرلىگى، «اقجاردا» اۋىز سۋ پروبلەمالارى 2014 جىلى مەگاپوليستىڭ ناۋرىزباي اۋدانىنىڭ قۇرامىنا كىرگەنگە دەيىن بولعان. «اقجارداعى» سۋ جىل سايىن ساۋىردەن قازانعا دەيىن بولماي قالادى، ال ەگەر پايدا بولعاننىڭ وزىندە جەرگىلىكتى تۇرعىنداردىڭ شاعىمدارى بويىنشا لاي جانە لاس. اقجارلىقتار بوشكەلەردە سۋ جينايدى، ونى ۇنەمدەۋدى ۇيرەندى، ءبىراق ول ءالى دە تۇرمىستىق قاجەتتىلىكتەرگە جەتپەيدى. ىستىق كەزەڭدە بالالار مەن زەينەتكەرلەر سۋ تاپشىلىعىنان قاتتى زارداپ شەگەدى دەپ شاعىمدانادى جەرگىلىكتى تۇرعىندار.
بۇل ماسەلەنى «اقجار» تۇرعىندارى 2022 جىلدىڭ تامىز ايىندا الماتى اكىمى ەربولات دوسايەۆپەن كەزدەسۋ بارىسىندا كوتەردى ءارى اۋىز سۋ ماسەلەسىن شەشۋدى سۇراعان ەدى.
«اقجار» شاعىن اۋدانى تۇرعىندارىنىڭ جاز كەزىندەا سۋمەن قامتاماسىز ەتىلۋ ماسەلەسىن شەشۋ ءۇشىن "اقساي" سۇزگى ستانسياسىنىڭ قۇرىلىسى كەزەڭىندە مەن الماتى جەر استى سۋلارى كەن ورنىنىڭ قورلارىنان سۋ بەرۋ ءۇشىن سورعى ستانسيالارى بار ماگيسترالدى سۋ قۇبىرىن سالۋ تۋرالى شەشىم قابىلدادىم»، - دەگەن بولاتىن قالا اكىمى كەزدەسۋ بارىسىندا.
2023 جىلدىڭ ناۋرىز ايىندا ەربولات دوسايەۆتىڭ تاپسىرماسى بويىنشا ناۋرىزباي اۋدانىنداعى «اقجار» شاعىن اۋدانىنىڭ تۇرعىندارى ءۇشىن سۋمەن جابدىقتاۋ جۇيەسىنىڭ قۇرىلىسى باستالدى. الماتى اكىمى اتاپ وتكەندەي، جاڭا سۋ قۇبىرىن ىسكە قوسۋ اتالعان قالالىق سەكتور حالقىنىڭ شامامەن 65%-ىن جەراستى كوزدەرىنەن ۇزدىكسىز سۋمەن قامتاماسىز ەتۋگە مۇمكىندىك بەرەدى. تۇرعىنداردىڭ قالعان 35%-ى سۋدى جەكە جەر استى كوزدەرىنەن پايدالانادى.