«اقجار» شاعىن اۋدانى اۋىز سۋمەن قامتاماسىز ەتىلەدى

الماتىداعى «اقجار» شاعىن اۋدانىنىڭ 22 مىڭنان استام تۇرعىنى 2023 جىلدىڭ 1 تامىزىنان باستاپ جاڭا سۋ قۇبىر تارتىپ، اۋىز سۋمەن قامتاماسىز ەتىلەدى

بيىل 31 شىلدەدە جالپى ۇزىندىعى 3،4 كم جاڭا قۇبىردى سىعىمداۋدى اياقتاۋ جوسپارلانعان، بۇل ءساتتى بولعان جاعدايدا الماتىنىڭ ناۋرىزباي اۋدانى «اقجار» شاعىن اۋدانىنداعى جاڭا سۋ قۇبىرى تارماعى مەن سورعى ستانسياسى جۇمىس ىستەيدى. وسى شاعىن اۋداندا تۇراتىن 22 مىڭنان استام تۇرعىن جەر استى كوزدەرىنەن ۇزدىكسىز سۋمەن جابدىقتاۋعا قول جەتكىزە الادى، دەپ حابارلايدى Almaty-akshamy.kz.

ديامەترى 400 مم سۋ قۇبىرى «اقجار» شاعىن اۋدانىندا ماگيسترالدىق سۋ قۇبىرى جانە كارىز جەلىلەرىن سالۋ باعدارلاماسى اياسىندا سالىندى. جوبادا بارلىعى 28،8 كم ينجەنەرلىك جەلى سالۋ كوزدەلگەن، ءقازىر جۇمىس اياقتالىپ كەلەدى.

بۇعان قوسا، قالا بيلىگى ناۋرىزباي اۋدانىنىڭ ينجەنەرلىك ينفراقۇرىلىمىن دامىتۋ بويىنشا جۇمىستى جالعاستىرىپ وتىر. ماسەلەن، بۇگىندە 130 كم سۋ قۇبىرى جانە 65 كم كارىز جەلىسى سالىندى. بيىل قارعالى وزەنىندە جاڭا سۇزگى ستانسياسىنىڭ قۇرىلىسى بىتەدى. 2025 جىلعا دەيىن اقساي وزەنىندە وسىنداي سۇزگى ستانسياسىنىڭ قۇرىلىسىن اياقتاۋ كوزدەلگەن. بۇل ءىس-شارالار ناۋرىزباي اۋدانىنىڭ 150 مىڭ تۇرعىنىن تۇراقتى سۋمەن قامتاماسىز ەتۋگە مۇمكىندىك بەرەدى.

بۇرىن حابارلانعانداي، مۇزدىقتاردىڭ قاتتى ەرۋىنەن پايدا بولعان تاۋ وزەندەرىندەگى سەل اعىندارى الماتىنىڭ ناۋرىزباي اۋدانىنداعى سۋ جيناۋدى شەكتەدى.