الماتى قالاسىنىڭ شەتىندەگى 215 كوشە جول-جوندەۋ جۇمىستارىمەن قامتىلادى.
الماتىدا جول جوندەۋ جۇمىستارى جۇرگىزىلۋدە. بۇل رەتتە، مەگاپوليس اكىمى ەربولات دوسايەۆتىڭ تاپسىرماسى بويىنشا الماتىعا قوسىلعان اۋدانداردا جاڭا جولدار سالۋعا ەرەكشە كوڭىل بولىنەدى. قالا شەتىندەگى جولداردا اسفالتبەتون جابىنى بولمادى. وسى اۋدانداردا ەڭ الدىمەن ينجەنەرلىك جەلىلەردىڭ قۇرىلىسى جۇرگىزىلۋدە، كەيىن سوڭعى كەزەڭ رەتىندە اسفالت توسەلۋدە.
ماسەلەن، اعىمداعى جىلى الماتىدا ۇزىندىعى 200 كم بولاتىن 230 كوشەنى ورتاشا جوندەۋمەن قامتۋ جوسپارلانۋدا (200 كم جولدىڭ 73ء-ى ناۋرىزباي جانە الاتاۋ اۋداندارىندا). 215 كوشە اۋداندىق ماڭىزى بار كوشەلەر بولىپ تابىلادى. قالانىڭ شەت ايماقتارىنداعى العاباس، تەرەكتى، توميريس، قاراسۋ، اقبۇلاق، زەردەلى، شاپاعات، شۇعىلا، تاۋسامالى، قالقامان، راحات، جاس قانات شاعىن اۋداندارىنا ەرەكشە كوڭىل ءبولىندى.
بەكىتىلگەن كەستەگە سايكەس جول جوندەۋ جۇمىستارى اعىمداعى جىلدىڭ قازان ايىنىڭ سوڭىنا دەيىن اياقتالۋى ءتيىس. بۇگىندە ۇزىندىعى 26 كم بولاتىن 38 كوشەگە اسفالتبەتون توسەۋ جۇمىستارى جۇرگىزىلدى.
بۇقارالىق اقپارات قۇرالدارى وكىلدەرىنە ارنالعان باسپا ءسوز تۋرى بارىسىندا الماتى قالالىق موبيلدىلىك باسقارماسىنىڭ باسشىسى ساعىندىق تەلىبايەۆ جولداردى ورتاشا جوندەۋ جانە سالۋ جۇمىستارىنىڭ بارىسى تۋرالى ايتىپ بەردى.
«ناۋرىزباي اۋدانى بويىنشا ورتاشا جوندەۋ اياسىندا ءبىز 13،8 كم جوندەۋىمىز كەرەك.2022 جىلى ءبىز 14 كم جوندەدىك، جول قۇرىلىسى اياسىندا بيىل 6،4 كم سالۋدى جوسپارلاپ وتىرمىز. وتكەن جىلى ءبىز 9،5 كم جول سالدىق»، - دەپ اتاپ ءوتتى س. تەلىبايەۆ.
سونداي-اق، باسقارما باسشىسى اقجار ش/ا-دا بۇرىن جول جامىلعىسى بولماعان كوشەلەردە جاڭا جولداردىڭ قۇرىلىسى ءجۇرىپ جاتقانىن، جولداردىڭ جالپى ۇزىندىعى 35،8 كم قۇرايتىنىن حابارلادى.
«اقجار شاعىن اۋدانىندا ينجەنەرلىك كوممۋنيكاسيالاردى توسەۋ جۇمىستارى جۇرگىزىلۋدە. ينجەنەرلىك جەلىلەر بويىنشا جۇمىستار اياقتالعان كوشەلەردە قالالىق موبيلدىلىك باسقارماسى دايىندىعىنا قاراي جاڭا جولدار سالۋ بويىنشا جۇمىستاردى باستايتىن بولادى.بيىل 3 شاقىرىم جول سالۋدى جوسپارلاپ وتىرمىز. ءقازىر بۇل ۋچاسكەدە دايىندىق جۇمىستارى جۇرگىزىلۋدە. وسى ۋچاسكەدەگى اسفالتبەتون جابىنىنىڭ قۇرىلىسىن ەسكەرە وتىرىپ، اعىمداعى جىلدىڭ 25-26 قىركۇيەگىنە دەيىن جۇمىستى اياقتاۋدى جوسپارلانۋدا. قالعان ۇزىندىعى 32،8 كم ينجەنەرلىك جەلىلەر بويىنشا جۇمىستار جۇرگىزىلۋدە، ولار بىزگە دايىن بولعان كەزدە تاپسىرادى، بۇل كەلەسى جىلعا ارنالعان جوسپارلار»، - دەدى ول.
الاتاۋ اۋدانىندا «العاباس» جانە «تەرەكتى» ش/ا ۇزىندىعى 3،7 كم 12 كوشەدە جول جابىنىن جوندەۋ جوسپارلانۋدا. بۇگىندە ۇزىندىعى 1،7 كم 6 كوشەدە جۇمىستار اياقتالدى، قالعان كوشەلەر اعىمداعى جىلدىڭ 20 قىركۇيەگىنە دەيىن جوندەلەدى.
سونداي-اق، ساعىندىق تولەۋبايەۆ الاتاۋ اۋدانى العاباس شاعىن اۋدانىنداعى ورتاشا جوندەۋ بارىسى تۋرالى ايتىپ بەردى. «الاتاۋ اۋدانىنداعى ف. وڭعارسىنوۆا كوشەسىنىڭ بويىندا تروتۋارلاردى ورنالاستىرۋ بويىنشا ورتاشا جوندەۋ جۇمىستارى جۇرگىزىلۋدە. كوشەنىڭ شىعىس جاعىندا ەشقاشان تروتۋار بولعان ەمەس، بيىل ءبىز جاياۋ جۇرگىنشىلەردىڭ قاۋىپسىزدىگى ءۇشىن تروتۋار ورناتۋ جۇمىسىن باستادىق» -، دەدى ول. الاتاۋ اۋدانى بويىنشا ورتاشا جوندەۋ اياسىندا جىل سوڭىنا دەيىن 63 شاقىرىم جولدى جوندەۋ جوسپارلانعانىن حابارلادى. سونىمەن قاتار، جاڭا قۇرىلىس اياسىندا 7،7 شاقىرىم جولدى قامتۋ جوسپارلانۋدا.
ايتا كەتەرلىگى، «قاراسۋ»، «شاپاعات»، «14 تەرريتوريا»، «شۇعىلا»، «جاس قانات» شاعىن اۋداندارىندا ورتاشا جوندەۋ جۇمىستارى ينجەنەرلىك كوممۋنيكاسيالار قۇرىلىسى تولىق اياقتالعان سوڭ جانە گيدروبايلانىس اكتىسى ۇسىنىلعاننان كەيىن جۇرگىزىلەدى.
كوشە-جول جەلىسىن ورتاشا جوندەۋ قالا كوشەلەرىن، جول جابىنىنىڭ بۇكىل ەنى بويىنشا جول قۇرىلىستارىن العاش پايدالانۋعا بەرگەن كەزدەگى قالپىنا كەلتىرۋگە قاتىستى جۇمىستاردى ساپالى جۇرگىزۋ قاراستىرىلعان.
جاڭا جولداردى سالۋ كەزىندە الدىمەن تابيعي قيىرشىق تاس قوسپاسى، سودان سوڭ ونىڭ ۇستىنە قيىرشىق تاس قوسپاسى قايتا توسەلەدى. وسىدان كەيىن اسفالتبەتون جابىنى ەكى رەت توسەلەدى - ءبىرىنشىسى ءىرى تۇيىرشىكتى قوسپا، ونىڭ قالىڭدىعى 6 سم، ەكىنشىسى ۇساق تۇيىرشىكتى قوسپا، ونىڭ قالىڭدىعى 5 سم.
ەسكە سالساق، الماتى قالاسىندا ۇزىندىعى 3 097 شاقىرىم بولاتىن 2746 كوشە بار.