اقەركە يسكەندەروۆا، «جاستار رۋحى» جاستار قاناتىنىڭ مۇشەسى: جاستارعا زاماناۋي، جاڭاشىل باعىتتار كەرەك

جاستارمەن ءبىر ورتادا جۇرگەندىكتەن، مەن دە جاس ازامات رەتىندە ءوز پىكىرىمدى بىلدىرگىم كەلەدى. XXI عاسىر جاستارى – ايداعانعا كونەتىن، يتەرگەنگە جۇرەتىن جاستار ەمەس. ءارقايسىسىنىڭ وزىندىك پىكىرى مەن كوزقاراسى قالىپتاسقان، تاڭداۋ ەركى بار ازاماتتار. ولار كەيبىر اعا بۋىن وكىلدەرىندەي بۇعىپ قالىپ، ايتقاندى عانا جاسامايدى. ول زامان ءوتتى دەسەم دە بولادى. جاستارعا زاماناۋي، جاڭاشىل باعىتتار كەرەك. زاماناۋيلىق دەگەندە ۇلتتىق قۇندىلىقتاردى دا ەستەن شىعارمايدى. ولار، ياعني بىزدەر، جارقىن ەل بولاشاعىنىڭ ءبىر ۇلەسى وزىمىزگە تيەسىلى ەكەنىن تۇسىنەمىز. ەلىمىزدەگى سانالى جاس ازاماتتار وسى وزگەرىستەر ناتيجەسىن كورۋ ءۇشىن سوعان لايىقتى جۇمىس تا جاساۋى ءتيىس. ءبىز قالاعانداي وزگەرىستەرگە قول جەتكىزەمىز دەسەك، ءقازىر وتكىزىلىپ جاتقان رەفورمالاردىڭ اينالاسىندا شوعىرلانۋىمىز كەرەك دەپ سانايمىن. قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن 2022 جىلعى 20 قاراشادا وتكىزۋ تۋرالى جارلىققا قول قويۋى دا رەفورمالار تىزبەگىنىڭ ىسكە اسۋىنىڭ باستاماسى. بۇگىنگى كۇن – ەرتەڭگى تاريح دەمەكشى، ءار كۇنىمىزدىڭ تاريح بەتتەرىندە ساقتالىپ قالاتىنىن ەستەن شىعارماعانىمىز ابزال