كەز كەلگەن وركەنيەتتى قوعامنىڭ باستى قاعي داتى – ەڭبەك ادامىن قۇرمەتتەۋدەن باستالا دى. ءبىزدىڭ كەيىپكەرىمىز دە وسىناۋ قۇرمەتكە ابدەن لايىقتى جان. ون ساۋساعىنان ونەر تامعان، تىگىنشىلىكتەن نەسىبەسىن تاۋىپ جۇرگەن اقبوپە اسىل بەك قىزى تالاي تاعدىردىڭ جولىن اشىپ، اق ارما نىن اق ماتا ارقىلى جەتكىزىپ ءجۇر. ونىڭ قولىنان شىققان سان قىرلى، سان ءتۇرلى توي كويلەكتەرى تالاي جاستىڭ ارمانىنا ارقاۋ بولدى. ءقازىر ناعىز توي دىڭ ماۋسىمى. سوندىقتان اقبوپەنىڭ ءبىر ساتكە دە قولى بوساي بەرمەيدى. ويتكەنى، ول ناعىز ەڭبەك ادامى!
اق ماتا بوپ ورىلگەن ارمان
اقبوپە – الماتى ىرگەسىندەگى ۇزىناعاشتىڭ تۋماسى. ەس بىلگەن كەزىندە اتا-اناسى الماتىعا قونىس اۋدارىپ، №137 مەكتەپتە وقىدى. كەيىن №17 مەكتەپ-ينتەرناتىندا وقۋىن جالعاستىرعان اقبوپەنىڭ ناعىز وقۋشىلىق كەزەڭى باستالادى. ءبىلىم شاڭىراعىندا وتكەن كەزدەسۋلەر مەن ادەبي كەشتەرگە ۇزبەي قاتىسقان قىزدىڭ قيالى سان تاراپتى شارلايتىن.
بالالىق كوڭىل دەگەندى قويساڭىزشى، ونداي ساتتە اقبوپەنىڭ اقىن دا، ءانشى دە بولعىسى كەلىپ كەتەتىن ەدى. بىردە وقۋ وردا سىنىڭ باسشىسى توقتار اعايدىڭ «اقبوپە، وسى سەنىڭ ساۋساق تارىڭ سونداي سالالى، ءتۇبى سەنەن نە ءبيشى، نە تىگىنشى شىعادى» دەپ ايتقانى ەسىندە قالىپتى. ونداي ساتتە اقبوپە «وقۋىمدى ءارى قاراي جالعاستىرسام با، جوق جۇمىس جاساعانىم ءجون بە؟» دەپ ويلانىپ قالاتىن. اقىرى، اقبوپەنىڭ اناعا دەگەن ماحاب باتى جەڭدى. ول 9-سىنىپتان سوڭ تىگىنشىلىك جولدى تاڭداپ، اناسىنىڭ ءىزىن جالعادى.
جالپى، ول بالا كۇنىنەن ينە-جىپتى سەرىك ەتتى. اجەسىنىڭ قۇراق كورپەسىنە قىزىعا قاراپ وسكەن اقبوپە ۇلكەن شەبەرگە اينالاتىنىن بىلمەگەن دە شىعار. «بالا كۇنىمدە قۋىرشاقتا رىمدى ءتۇرلى ماتا قالدىعىنا وراپ، ولارعا كويلەك تىگەتىنمىن. ال وزىمە 5-سىنىپتا وقىپ جۇرگەنىمدە ادەمى بەلدەمشە تىگىپ الدىم. كەيىن بىلعارىدان سومكە دەيسىز بە، تاعى ءبىراز بۇيىم تىكتىم. العاشقى تىگىن ماشينكامدى 18 جاسىمدا ساتىپ ال دىم»، – دەيدى. اقبوپەنىڭ اناسى ناعىز ىسمەر، بەس ساۋساعىنان ونەر تامعان تىگىنشى بولعاندىقتان شىعار، قىزىن دا ءوزى ءتامامدا عان وقۋ ورداسىنا الىپ كەلەدى.
– انام سونداي ەڭبەكقور كىسى. وزىنە نەبىر ادەمى كيىمدەر تىگىپ الاتىن. ءقازىر دە ءوزى تىككەن كويلەكتى كيسە بولدى، ءبارى تاڭدانا قارايدى. «وسىنداي ادەمى كيىمدى دۇكەننەن ىزدەپ تاپپايمىز. سەن قايدان الاسىڭ؟» دەپ سۇراپ جاتادى. ونداي كەزدە انام ءجاي عانا ون ساۋساعىن كورسەتەدى، – دەيدى تىگىنشى قىز.
الماتى ءسان جانە ديزاين كوللەدجىنىڭ «سانگەر ءپىشۋشى» ماماندىعىن يگەرگەن تىگىنشى بۇگىندە ءوز سالاسىنىڭ ناعىز مامانىنا اينالدى.
– كوللەدجدە وقىپ جۇرگەن كەزىمدە جازعى دەمالىسقا شىعا سالا، ءسان اتەلەسىندە جۇمىس ىستەيتىنمىن. ءالى ەسىمدە، العاش رەت جالاقىمدى العاندا ماعان اقشا ەمەس، تاپسىرىس پەن تىككەن كويلەك سونداي ىستىق بولدى. مەن ەشقاشان اقشا عا قىزىعىپ، جۇمىس ىستەگەن ەمەسپىن. جالپى، ماعان كەز كەلگەن تاپسىرىس بەرۋشىنىڭ ەموسياسى ۇنايدى. ەگەر تىككەن كيىم ويى نان شىقسا، ايناعا قايتا-قايتا قاراۋمەن بولادى. ماسەلەن، ماعان كيىم تىگۋدىڭ قىر-سىرىن ۇيرەتكەن شەبەردىڭ ايتۋىنشا، ول كىسى بەس جىل بويى تىگىن سەحىندا تەگىن جۇمىس ىستەگەن ەكەن. ەسەسىنە، مول تاجىريبە جينادى. مەن دە سولاي ەتۋگە تىرىس تىم. ال تاپسىرىس بەرۋشىلەردىڭ كويلەكتەرىن ۇيدە وتىرىپ-اق تىگەتىن ەدىم، – دەيدى كەيىپكەرىمىز.
بۇگىندە اقبوپە تىگىنشىلىك كاسىبىن جالعاستىرىپ، ءوزىنىڭ بيزنەسىن ۇرشىقشا ءۇيىرىپ وتىر. ونىڭ شاعىن عانا تىگىن سەحى بار. سىرتتاي قاراعاندا، قاراپايىم كورىنەتىن سىرلى ەسىكتىڭ ار جاعىندا تالاي بويجەتكەننىڭ ارمانىنا اينالعان اق كوي لەك، كوك كويلەك، قىناما كامزول، قوس ەتەك كويلەكتەر. بۇعان قوسا، قۋانىش پەن قيماستىقتىڭ كۋاسى بولعان ۇزاتىلار قىز دىڭ ءسان-سالتاناتىنا ارنايى تىگىلگەن كويلەكتەر مەن ۇلتتىق كيىمدەر دۇنيەگە كەلدى. بۇل – تىگىنشى اقبوپە اسىلبەك قىزى نىڭ شاعىن بولسا دا، شەكسىز شابىتقا تولى شەبەرحاناسى.
توي كويلەكتىڭ تورەسى – جۇرەكپەن تىگىلگەن دۇنيە
اقبوپەنىڭ ەسىمى بۇگىندە تەك ۇلتتىق كيىم عانا ەمەس، توي كويلەكتەرىن تىگۋمەن دە تانىمال. اسىرەسە، قازاقتىڭ ءسالت-داس تۇرىنە ساي، قىز ۇزاتىلاردا كيەتىن اشەكەيلەنگەن كويلەكتەر ونىڭ ناعىز شىعارماشىلىق قولتاڭباسىنا اينالعان.
«قالىڭدىقتىڭ كويلەگى تەك ادەمى بولماۋى كەرەك، ول – شاڭىراق كوتەرەتىن قىزدىڭ جاڭا ومىرگە قادامىنىڭ سيمۆولى. ءار كويلەكتى تىككەن سايىن، سول قىزدىڭ اناسى، بولاشاق جارى، ارمانى ءبارى كوز الدىمنان وتەدى. مەن ءۇشىن بۇل ءجاي عانا جۇمىس، ياعني تاپسىرىس ەمەس، جاۋاپتى قىزمەت»، – دەيدى شەبەر.
ءبىر قىزىعى، اقبوپەنىڭ تىگىن سەحىنا كەلگەندەردىڭ تالاپ تىلەگى ءارقيلى بوپ كەلەتىن كورىنەدى. ءبىرى اپپاق ماتادان كويلەك كيگىسى كەلسە، ءبىرى كوكپەڭبەك، ەندى ءبىرى كۇلگىن ءتۇستى تاڭدايدى ەكەن.
«كوپ قىزدار تويدان كەيىن دە كيەتىن كويلەك تىككىزىپ جاتا دى. ءبىر ەسەپتەن بۇل دا دۇرىس سياقتى. ءقازىر كوپ قىزدار توي كويلەكتى كەيىن دە، ياعني وتباسىلىق كەشتەردە، مەرەكەلەردە كيۋگە بولاتىنداي ەتىپ تاپسىرىس بەرەدى»، – دەيدى اقبوپە.
ونىڭ قولىنان شىققان كويلەكتى كيگەن تالاي قالىڭدىق بۇگىندە ءوز شاڭىراعىندا انا اتانىپ وتىر. بۇل – اقبوپەنىڭ كوزگە كورىنبەيتىن، ءبىراق جۇرەكپەن سەزىلەتىن ەڭبەگىنىڭ جانعانى. اقبوپە اسىلبەك قىزىنىڭ ءومىر جولى قاراپايىمدىق پەن تاباندىلىقتىڭ، ونەر مەن ونەگەنىڭ ايعاعى. ەندەشە، وسىن داي التىن قولدى شەبەرلەردى ەلگە تانىستىرۋ – بىزگە پارىز، ال ولاردىڭ قولتاڭباسىن ساقتاۋ – ۇرپاققا امانات.