دەپۋتاتتار ءبىر كۇندىك جالاقىسىن «قازاقستان حالقىنا» قورىنا اۋداردى
سەنات پەن ءماجىلىس دەپۋتاتتارى ەل پرەزيدەنتى قاسىم-جومارت توقايەۆتىڭ «قازاقستان حالقىنا» قوعامدىق الەۋمەتتىك قورىن قۇرۋ تۋرالى باستاماسىن قولداي وتىرىپ، وزدەرىنىڭ ءبىر كۇندىك جالاقىسىن وسى قورعا اۋداردى، دەپ حابارلايدى Almaty-akshamy.kz 24.kz-كە سىلتەمە جاساپ
مەملەكەت باسشىسى قاسىم-جومارت توقايەۆ 11 قاڭتاردا ءماجىلىس وتىرىسىندا سويلەگەن سوزىندە «قازاقستان حالقىنا» قوعامدىق الەۋمەتتىك قورىن قۇرۋدى تاپسىرعان بولاتىن.
قور دەنساۋلىق ساقتاۋ، ءبىلىم بەرۋ جانە الەۋمەتتىك قولداۋ سالاسىنداعى ناقتى پروبلەمالاردى شەشۋمەن اينالىساتىن بولادى.
ەل پرەزيدەنتى اتاپ وتكەندەي، قوردا جيناقتالعان قارجى سيرەك كەزدەسەتىن اۋرۋلارى بار بالالارعا كومەك كورسەتۋگە، قالالاردا، اۋدانداردا، كەنتتەردە، اۋىلداردا بالالارعا ارنالعان سپورت نىساندارىن سالۋعا، قابىلەتتى بالالارعا قولداۋ كورسەتۋگە جانە باسقا دا الەۋمەتتىك ماقساتتارعا باعىتتالاتىن بولادى.