سولتۇستىك قازاقستان وبلىسىندا توتەنشە جاعدايعا بايلانىستى 53 مەكتەپتىڭ 33 مىڭنان استام وقۋشىسى قاشىقتان وقىپ جاتىر.
ونىڭ ىشىندە پەتروپاۆل قالاسىنىڭ 36 مەكتەبى مەن قىزىلجار اۋدانىنىڭ 13 مەكتەبى جانە 4 وبلىستىق مەكتەپتىڭ وقۋشىلارى ونلاين فورماتقا اۋىسقان، دەپ حابارلايدى Almaty-akshamy.kz 24.kz-كە سىلتەمە جاساپ.
بۇدان بولەك، اتىراۋ، اقتوبە، قوستاناي جانە باتىس قازاقستان وبلىستارىنىڭ 28 مەكتەبى وقۋشىلاردىڭ ءبىلىم ساپاسىن تەكسەرۋدەن بوساتىلدى.
مەرەكە امانگەلدى قىزى، وقۋ-اعارتۋ مينيسترلىگىنىڭ رەسمي وكىلى: - قازاقستان رەسپۋبليكاسى پرەمەر-مينيسترىنىڭ تاپسىرماسى بويىنشا سۋ تاسقىنىنان اسا زارداپ شەككەن وڭىرلەردەگى وقۋشىلار اعىمداعى ەمتيحاندار مەن سىناقتاردان بوساتىلدى. اتاپ ايتقاندا، اتىراۋ مەن اقتوبە وبلىسىنداعى وقۋشىلار ءۇشىن بجب مەن تجب الىنىپ تاستالدى. 6 وڭىردە مونيتورينگ 15 ساۋىردەن 22 ساۋىرگە اۋىستىرىلدى.