ساراپشى الماتىدا اپاتتى اعاشتاردىڭ قالاي انىقتالاتىنى تۋرالى ايتىپ بەردى، دەپ حابارلايدى Almaty-akshamy.kz
الماتىدا اپاتتى اعاشتار كەزەڭ-كەزەڭىمەن كەسىلۋدە. اپاتتى اعاشتاردى مۇقيات زەرتتەۋ ءۇشىن الماتى قالاسىنىڭ ەكولوگيا جانە قورشاعان ورتا باسقارماسى قۇرامىنا ەكولوگتار، بيولوگتار، ەكو-بەلسەندىلەر ەنگەن «جاسىل كوميسسيا» قۇردى. ولار جەرگىلىكتى باسقارۋ ورگاندارىنا اپاتتى اعاشتاردىڭ ءتىزىمىن جاساۋعا كومەكتەسەدى ءارى جۇمىستارىن كوپشىلىكتىڭ حاباردار بولۋى ءۇشىن اشىق جۇرگىزەدى. المالى اۋدانىنداعى «جاسىل كوميسسيانىڭ» باسشىسى ومار نۇرحايداروۆ بۇل قىزمەتتىڭ مەگاپوليستەگى ەكولوگيالىق جاعدايدى جاقسارتۋعا باعىتتالعانىن اتاپ ءوتتى.
«ادامدار ءبىزدىڭ اپاتتى اعاشتار ءتىزىمىن جاساۋدا نەنى نەگىزگە الاتىنىمىزدى، جاسىل جاپىراقتى اعاشتىڭ قالاي اپاتتى بولىپ تابىلاتىنى جانە باسقا دا وزدەرىن تولعاندىرعان ماسەلەلەر بويىنشا ءتۇرلى ساۋالداردى ءجيى قويادى. ءتۇبى شىرىگەن اعاش ۇيگ، بالالار الاڭىنا، ماشيناعا قۇلاۋى ابدەن مۇمكىن عوي. سوندىقتان ءبىز ونى تۇبىرىمەن الىپ تاستاۋ قاجەت ەكەنىن تۇرعىندارعا تۇسىندىرەمىز»-، دەدى قوعام قايراتكەرى.
ونىڭ ايتۋىنشا، «جاسىل كوميسسيا» مەردىگەرلىك ۇيىمداردى دا باقىلايتىن بولادى. ويتكەنى، جۇمىسشىلار كوبىنەسە ينجەنەرلىك كوممۋنيكاسيالاردى جوندەۋ بارىسىندا اعاشتارعا زيان كەلتىرىپ، تامىرلارىن زاقىمداۋى مۇمكىن.سونىڭ سالدارىنان اعاش قۇلاۋى مۇمكىن. كوميسسيا مۇشەلەرى مەردىگەرلەرگە اعاشقا زيان كەلتىرمەۋ ءۇشىن تامىرلاردى قالاي قازۋ كەرەكتىگىن ايتادى.
«المالى اۋدانىندا بارلىعى 2200 اعاش كەسۋ جوسپارلانعان. ءبىز جاسىل جەلەكتەردى ءوزىمىز زەرتتەيمىز ءارى ارنايى بارىپ كورەمىز. قاجەت بولعان جاعدايدا قازعزي قىزمەتكەرلەرىن تارتامىز»، - دەپ ءتۇسىندىردى ومار نۇرحايداروۆ.