ەلىمىزدىڭ ءبىرقاتار وڭىرلەرىندە قيىن جاعداي بولىپ جاتىر. بۇل ەندى قۇدايدىڭ ءبىزدىڭ جۇرتقا جىبەرگەن ۇلكەن ءبىر سىناعى. سوندىقتان بۇل تۇستا بىرلىك كەرەك، ىنتىماق كەرەك، بىر-بىرىمىزگە جاردەم بەرۋىمىز كەرەك.
ەلدە باستايتىن بىرەۋ بولادى، قالعانى تىرەۋ بولادى. بۇگىنگى پرەزيدەنتتىڭ ۇندەۋىنەن ءبىراز ادام ارقالانىپ قالدى. ەندى ءبىز سول ۇندەۋمەن ۇندەسۋىمىز قاجەت. قيىن قىستاۋ كەزەڭدە جۇدىرىقتاي جۇمىلىپ، باتىس، شىعىس، وڭتۇستىك، سولتۇستىك دەپ بولىنبەي، تورتەۋ تۇگەل، التاۋ الا بولماي بارلىعىمىز بىرىككەن ۋاقىتتا وسىنى جەڭىپ شىعامىز.
ءقازىر بۇكىل اتقامىنەر جارعا قۇلاعى جاستىققا تيمەي، ءتۇن ۇيقىسىن ءتورت ءبولىپ وسىعان قىزمەت جاساپ جاتىر. ۇلكەن الاپات جاماندىقتار باتپانداپ كىرەدى دا مىسقىلداپ شىعادى. بارلىق كەمشىلىكتىڭ ورنى تولىپ، ورالىپ جاقسى بولادى دەپ سەنەمىز.