بۇۇ باس حاتشىسى اۋعانستان ماسەلەسىنە الاڭداۋشىلىق بىلدىرۋدە.
حالىقارالىق قاۋىمداستىق اۋعانستاننىڭ لاڭكەستىك ۇيىمداردىڭ مەكەنىنە اينالاماۋىنا كۇش سالۋ كەرەكتىگىن ايتتى، دەپ حابارلايدى Almaty-akshamy.kz.
بۇۇ باس حاتشىسى انتونيۋ گۋتەرريش وسى ەلگە قاتىستى قاۋىپسىزدىك كەڭەسىنىڭ شۇعىل وتىرىسىندا وسىلاي دەپ مالىمدەدى. ۇيىم باسشىسى، سونداي-اق، «تاليبان» مەن بارلىق تاراپتى حالىقارالىق قۇقىقتى ساقتاپ، گۋمانيتارلىق ۇيىمداردىڭ ەش كەدەرگىسىز قاتىناۋىن قامتاماسىز ەتۋدى سۇرادى.
«حالىقارالىق قاۋىمداستىق اۋعانستان لاڭكەستىك ۇيىمدار پانالايتىن مەكەنگە اينالماۋ ءۇشىن كۇش سالۋى كەرەك. مەن بۇل ىستە الەم ەلدەرىن بىرىگىپ ارەكەت ەتۋگە شاقىرامىن جانە اۋعانستانداعى لاڭكەستىك ءقاۋىپتى جويىپ، ادام قۇقىقتارىن ساقتاۋ ءۇشىن قولدان كەلگەننىڭ ءبارىن جاساۋمىز قاجەت»، دەدى بۇۇ باس حاتشىسى انتونيۋ گۋتەرريش.