الماتى قالاسىنىڭ سىبايلاس جەمقورلىق تاۋەكەلدەرى كارتاسىن ىسكە اسىرۋ مەگاپوليستىڭ الەۋمەتتىك ماڭىزدى سالالارىنداعى كوپتەگەن سىبايلاس جەمقورلىق تاۋەكەلدەرىن انىقتادى. بۇل تۋرالى الماتى قالاسى سىبايلاس جەمقورلىققا قارسى قىزمەتىنىڭ باسشىسى ارمان راحيموۆ وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگ بارىسىندا حابارلادى.
الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ قىزمەتىندەگى سىبايلاس جەمقورلىق تاۋەكەلدەرىن سىرتقى تالداۋ قورىتىندىسى بويىنشا جۇمىس ورىندارىن سۋبسيديالاۋعا بولىنگەن 385 ملن. تەڭگە كولەمىندەگى ارتىق قاراجاتتى قايتارۋ شارالارى قابىلداندى.
الماتى قالاسىندا جول سالۋمەن اينالىساتىن مەردىگەر ۇيىمداردىڭ قىزمەتىن تالداۋ بارىسىندا 4 ملرد. تەڭگەدەن استام سالىق سالۋ بويىنشا بۇزۋشىلىقتار انىقتالىپ، مەملەكەتكە 1،3 ملرد. تەڭگە زالال كەلتىرىلگەنى بەلگىلى بولدى.
سونىمەن قاتار، وتكەن جىلى جۇرگىزىلگەن سىبايلاس جەمقورلىق تاۋەكەلدەرىن سىرتقى تالداۋ ۇسىنىستارىن ورىنداۋ اياسىندا زاڭسىز قۇرىلىسقا مونيتورينگ جۇرگىزۋ جۇمىستارى جالعاسۋدا. الماتى قالاسىنىڭ اكىمدىگىمەن بىرلەسىپ، نورماتيۆتىك تالاپتاردى بۇزا وتىرىپ سالىنعان 60 قۇرىلىس فاكتىسى انىقتالدى.
«ساين كوشەسىن رىسقۇلوۆ داڭعىلىنان اقىن سارا كوشەسىنە دەيىنگى ارالىقتا جالعاستىرۋ» جوباسى بويىنشا جۇمىستاردىڭ قۇنىنىڭ اسىرا كورسەتىلۋ فاكتىلەرى انىقتالدى.
قابىلدانعان شارالار ناتيجەسىندە جوبا تۇزەتىلىپ، 1 ملرد. تەڭگەدەن استام بيۋدجەت قاراجاتى مەملەكەتكە قايتارىلدى.
دەپارتامەنت مەملەكەتتىك ساتىپ الۋلار پورتالىندا بيۋدجەت قاراجاتىنىڭ ءتيىمسىز جۇمسالۋىنا جول بەرمەۋ ماقساتىندا تۇراقتى مونيتورينگ جۇرگىزەدى. بيىلعى جىلدىڭ باسىنان بەرى مەملەكەتتىك ساتىپ الۋلاردى ۇيىمداستىرۋشىلارعا حاتتار جىبەرۋ ارقىلى وسى سالادا 4،1 ملرد. تەڭگە ۇنەمدەلدى.
«بيزنەسكە جول» جوباسى اياسىندا 12 (2 جۇيەلى) بيزنەس سۋبەكتىلەرىنىڭ پروبلەمالىق ماسەلەلەرى شەشىلىپ، 165 كاسىپكەردىڭ قۇقىقتارى قورعالدى.
سىبايلاس جەمقورلىققا قارسى مادەنيەتتى قالىپتاستىرۋ اياسىندا 13 مىڭنان استام ادامدى قامتىعان 141 ءتۇرلى ءىس-شارا وتكىزىلدى.
وتكەن جىلدان بەرى اگەنتتىك «سىبايلاس جەمقورلىققا قارسى ۆولونتەرلىك» جوباسىن جۇزەگە اسىرۋدا، بۇل جوباعا الماتى قالاسىندا 256 ەرىكتى قوسىلدى.
بيىل ەرىكتىلەردىڭ كۇشىمەن 2،3 ملرد. تەڭگەدەن استام بيۋدجەت قاراجاتىن ۇتىمسىز پايدالانۋ الدىن الىندى.
36 الەۋمەتتىك نىساندار، قۇرىلىس جانە جول جوندەۋ جۇمىستارىنا قوعامدىق مونيتورينگ جۇرگىزىلدى.
دەپارتامەنت سىبايلاس جەمقورلىق فاكتىلەرى تۋرالى حابارلاعان ادامداردى ىنتالاندىرۋ جۇمىسىن جالعاستىرۋدا.
بيىلعى جىلى 6 ازامات كوتەرمەلەنىپ، ولاردىڭ 4-ۋىنە 4،4 ملن. تەڭگە كولەمىندە اقشالاي سىياقى بەرىلدى، 2 مەملەكەتتىك قىزمەتشى العىس حاتتارمەن ماراپاتتالدى.