الاياقتار انتيكور سيمۆوليكاسى بار جالعان قۇجاتتار جاساعان.
سىبايلاس جەمقورلىققا قارسى قىزمەت الاياقتار تۋرالى ەسكەرتەدى، دەپ حابارلايدى aqshamnews.kz
سىبايلاس جەمقورلىققا قارسى قىزمەت مەسسەندجەرلەردە (WhatsApp، Telegram جانە ت.ب.) قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ باسشىلىعى مەن قىزمەتكەرلەرىنىڭ اتىنان جالعان اككاۋنتتار قۇرعان جانە جالعان اقپارات تاراتاتىن الاياقتار تۋرالى تاعى دا ەسكەرتەدى.
الاياقتار انتيكور سيمۆوليكاسى بار جالعان قۇجاتتاردى، حابارلامالاردى جانە فايلداردى جاساۋدا جانە جولداۋدا.
«جالعان اقپاراتتىق تاراتۋلارعا سەنبەۋ، كۇماندى سىلتەمەلەرگە وتپەۋدى، سونداي-اق قولما-قول اقشا اۋدارماۋدى سۇرايمىز. وسىنداي قوڭىراۋلار مەن تاراتۋلاردى العان جاعدايدا، وسى فاكتىلەر تۋرالى قازاقستان رەسپۋبليكاسىنىڭ قۇقىق قورعاۋ ورگاندارىنا دەرەۋ حابارلاۋدى سۇرايمىز. ەگەر ءسىز جەمقورلىق فاكتىلەرىنە تاپ بولساڭىز، @antikorkz_bot Telegram-بوتى نەمەسە 1424 ءنومىرى ارقىلى شۇعىل حابارلاڭىز»، دەلىنگەن حابارلامادا.