ونى قازاقستانعا ەكستراديسيالاۋ ءراسىمى باستالدى.
سىبايلاس جەمقورلىققا قارسى قىزمەت 12 جىل ىزدەۋدە جۇرگەن ەر ادامدى ۇستادى، دەپ حابارلايدى Almaty-akshamy.kz
سىبايلاس جەمقورلىققا قارسى قىزمەتتىڭ ەلوردالىق دەپارتامەنتى 2010 جىلدان باستاپ سىبايلاس جەمقورلىق قىلمىسى بويىنشا كۇدىكتى بولات التىنبەكوۆكە حالىقارالىق ىزدەۋ جاريالاعان.
«حالىقارالىق ىنتىماقتاستىق شەڭبەرىندەگى جەدەل ىزدەستىرۋ ءىس-شارالارى جۇزەگە اسىرىلدى. ناتيجەسىندە رەسەيدىڭ قۇقىق قورعاۋ ورگاندارى سىبايلاس جەمقورلىققا قارسى قىزمەت جانە ءىىم ينتەرپولمەن بىرلەسىپ، التىنبەكوۆتى ماسكەۋ قالاسىندا ۇستادى»، - دەلىنگەن حابارلامادا.
تەرگەۋ ورگاندارىنان جاسىرىنۋ ءۇشىن، ءوزىنىڭ تەگىن «التىنبەكوۆتەن» «الشەرگە» وزگەرتكەن.
ۆەدومستۆو ىزدەۋدە جۇرگەندەردىڭ كوپشىلىگى قازاقستاندىق سوت تورەلىگىنىڭ جۇرمەۋى ءۇشىن ەلدەن تىس جەردە جاسىرىناتىنىن جەتكىزدى.