قازاقستاندىق ءانشى، All داۆاي توبىنىڭ نەگىزىن قالاۋشى جانە پروديۋسەرى شوقان مارات ۇلى قازاقستاندا اتوم ەلەكتر ستانسياسىن سالۋ ماسەلەسى بويىنشا رەفەرەندۋمعا قاتىستى، دەپ حابارلايدى aqshamnews.kz.
ءانشى ءوز داۋىسىن بەرۋ ءۇشىن №537 سايلاۋ ۋچاسكەسى ورنالاسقان №17 مەكتەپ-ينتەرناتىنا باردى.
"مەنىڭ ازاماتتىق بورىشىم بولعاندىقتان رەفەرەندۋمعا قاتىسۋ مەن ءۇشىن ماڭىزدى بولدى. مۇندا باستىسى حالىقتىڭ ءوز ويىن جەتكىزۋگە مۇمكىندىگى بار. سونداي-اق، رەفەرەندۋمنىڭ قورىتىندىسى ەلىمىزدىڭ قوزعالىس، دامۋ باعىتىن ايقىندايدى"، - دەپ ءانشى ءوز پىكىرىن ايتتى.
ەسكە سالا كەتەيىك، بۇگىن قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. قالاداعى سايلاۋ ۋچاسكەلەرى ساعات 20:00-گە دەيىن جۇمىس ىستەيدى.