بۇل تۋرالى فب پاراقشاسىندا سەرىك اباس-شاح جازدى.
قازاقستاننىڭ ەڭبەك سىڭىرگەن ءارتىسى گۇلنار سيقىمبايەۆا قايتىس بولدى، دەپ حابارلايدى aqshamnews.kz
گۇلنار سيقىمبايەۆا – وڭتۇستىك قازاقستان وبلىسى تولە بي اۋدانىنىڭ مايبۇلاق اۋىلىنىڭ تۋماسى. “مەن ساعان وكپەلەمەيمiن“ اتتى انىمەن ەلگە كەڭىنەن تانىمال تالانتتى ءانشىنىڭ “بيشi قايىڭ“، “قىز-قاراعاي“، “سارى بيداي“، “مەن دەپ ويلا“، “سۇيگەن جۇرەك“ “تۋعان جەر“، “ناركەسكەن“، “كۇز سەكiلدi“ سياقتى تۋىندىلاردى ناشىنە كەلتىرە ورىنداۋى ونەرسۇيەر قاۋىمنىڭ كوڭىلىنەن شىققان.
«ۇيات بولماسىن» تەلەجوباسىندا باقىت ءجۇمادىلوۆ اعامىزبەن (1947-2010) جۇپ قىلىپ ويناتۋشى ەدىك. گۇلەكەڭنىڭ بويى باقىتتان اجەپتەۋىر بيىك بولاتىن-دى، قىزىق بولسىن دەپ ەكەۋىن ەرلى-زايىپتى ەتىپ قوسىپ قويدىم. سەناريي بويىنشا گۇلنار حانىم «توسەگى جيىلمايتىن» ايەلدىڭ رولىندە قايتا-قايتا توركىنىنە كەتە بەرەتىن، باكەڭ سوعان كۇيىپ-پىسىپ جۇرەتىن-دى. ءتۇسىرىلىم كەزىندە ەكەۋى بىر-بىرىنە سويلەمەي جاتىپ (سىرتىنان قاراپ) كۇلە باستايتىنبىز. باقىت اعامىز 14 جىل بۇرىن جول اپاتىنان كوز جۇمدى، ال بۇگىن گۇلەكەڭ ۇيقىسىنان ويانباي قالىپتى. ەكەۋى دە 63 جاسىندا قايتىپتى. يماندى بولسىن!»، دەپ جازدى سەرىك اباس-شاح.