بيىل يۋنەسكو-نىڭ شەشىمىمەن احمەت بايتۇرسىن ۇلىنىڭ 150 جىلدىعى حالىقارالىق دەڭگەيدە اتالىپ ءوتتى
انكارادا قازاقستاننىڭ تاۋەلسىزدىك كۇنى مەن قازاقتىڭ بەلگىلى اعارتۋشىسى، تۇركىتانۋشى-عالىم، كورنەكتى مەملەكەت قايراتكەرى احمەت بايتۇرسىن ۇلىنىڭ 150 جىلدىعىنا وراي انكارا قالاسىنداعى ەتيمەسگۋت مۋنيسيپاليتەتىندە ۇلت ۇستازىنىڭ ەسكەرتكىشى مەن پاركى سالتاناتتى تۇردە اشىلدى.
بۇل تۋرالى Almaty-akshamy.kz ق ر عىلىم جانە ءبىلىم مينيسترلىگىنىڭ Facebook پاراقشاسىنا سىلتەمە جاساپ حابارلايدى.
اتالعان شاراعا قازاقستاننىڭ تۇركياداعى توتەنشە جانە وكىلەتتى ەلشىسى ەركەبۇلان ساپييەۆ، ەتيمەسگۋت مۋنيسيپاليتەتىنىڭ اكىمى ەنۆەر دەميرەل، استانا قالاسى اكىمىنىڭ ورىنباسارى ەسەت بايكەن، ق ر سىرتقى ىستەر ءمينيسترىنىڭ وكىلى حاسان بادجاجى، انكاراداعى تۇركىتىلدەس مەملەكەتتەر ەلشىلىكتەرىنىڭ وكىلدەرى، تۇركسوي وكىلدەرى، «YDA» حولدينگ باسقارما ءتوراعاسى حۋسەين ارسلان، قازاقستان مادەنيەت جانە ساۋدا ورتالىعىنىڭ ءتوراعاسى عانيمەت قايسا ۇلى، قازاقستان مادەنيەت جانە ساۋدا ورتالىعى ءتوراعاسىنىڭ ورىنباسارى جانە دۇنيەجۇزى قازاقتارى قاۋىمداستىعىنىڭ تۇركياداعى وكىلى ەرجان ءۋايىس، زيالى قاۋىم، قازاق دياسپوراسى جانە ب ا ق وكىلدەرى قاتىستى.
جيىندا ءسوز سويلەگەن ەلشى ە.ساپييەۆ قازاقستاننىڭ تاۋەلسىزدىك كۇنى مەن احمەت بايتۇرسىن ۇلىنىڭ 150 جىلدىعىنا وراي، احمەت بايتۇرسىن ۇلى اتىنداعى ساياباق پەن ەسكەرتكىشتىڭ اشىلۋىنا ۇلەس قوسقان ەتيمەسگۋت مۋنيسيپاليتەتىنىڭ ءتوراعاسى ەنۆەر دەميرەلگە جانە قىزمەتكەرلەرىنە، «YDA» حولدينگ باسقارما ءتوراعاسى حۋسەين ارسلانعا، استانا قالاسى اكىمدىگىنە العىسىن ءبىلدىردى.
بيىل يۋنەسكو-نىڭ شەشىمىمەن احمەت بايتۇرسىن ۇلىنىڭ 150 جىلدىعى حالىقارالىق دەڭگەيدە اتالىپ وتكەنىن، وسى رەتتە ەلشىلىك تاراپىنان دا كوپتەگەن ماڭىزدى ءىس-شارالاردىڭ وتكىزىلگەنىن، احمەت بايتۇرسىن ۇلى قازاق حالقىنا عانا ەمەس، كۇللى تۇرىك حالىقتارىنا ورتاق تۇلعا ەكەنىن، ول قازاقستاننىڭ بولاشاعى ءۇشىن عانا ەمەس، تۇركى الەمىنىڭ ازاتتىعى مەن تاۋەلسىزدىگى ءۇشىن كۇرەسكەن تۇلعا ەكەنىن باياندادى.
تۇركيا استاناسى انكارا قالاسىندا الاش ارىسى احمەت بايتۇرسىن ۇلى پاركىنىڭ جانە ەسكەرتكىشىنىڭ اشىلۋى باۋىرلاس قازاق جانە تۇرىك حالىقتارىنىڭ مادەني-گۋمانيتارلىق قاتىناستارىنىڭ الداعى ۋاقىتتا دا تۇراقتى دامۋىنىڭ كورسەتكىشى بولىپ تابىلادى.