ەكى تومدىق كىتاپ 1889 جىلدان 2020 جىلعا دەيىن باسپاسوزدە جاريالانعان بارلىق ەڭبەكتەردى تولىق قامتىعان عىلىمي باسىلىم
اباي قۇنانبايۇلىنا ارنالعان ۇجىمدىق مونوگرافيا انكارادا اعىلشىن تىلىندە باسىلىپ شىقتى، دەپ حابارلايدى Almaty-akshamy.kz.
سونداي-اق «اباي قۇنانباي ۇلى: سيپاتتامالى بيبليوگرافيالىق كورسەتكىش» اتتى عىلىمي ەڭبەك تە جارىققا شىقتى. بۇگىن استانادا قوس بىردەي كىتاپتىڭ تانىستىرىلىمى ءوتتى. بۇل ەڭبەكتەر شەتەلدىك قاۋىمعا قازاق ويشىلى اباي مەن ونىڭ مۇراسىن جان-جاقتى تانىتۋدى كوزدەيدى. ەكى تومدىق كىتاپ 1889 جىلدان 2020 جىلعا دەيىن باسپاسوزدە جاريالانعان بارلىق ەڭبەكتەردى تولىق قامتىعان عىلىمي باسىلىم. بيبليوگرافيالىق كورسەتكىشتە 12 مىڭنان استام دەرەك قامتىلعان، دەپ حابارلادى "حابار 24".
«بۇل ابايتانۋشى عالىمدارعا دا، جاس ىزدەنۋشىلەرگە دە جالپى اباي شىعارماسىنا قىزىققان حالىققا وتە قاجەتتى. بۇندا ەرەكشەلىگى سول، وسى ەڭبەكتەرگە سيپاتتاما بەرىلىپ، ونىڭ ەرەكشەلىكتەرىن ايتۋىندا»، -دەيدى "اباي اكادەمياسى" عىلىمي-زەرتتەۋ ينستيتۋتىنىڭ ديرەكتورى جاندوس اۋباكىر.