ول 70 جىل بويى ءبىر جەردە جۇمىس ىستەگەن.
انگليانىڭ سومەرسەت قالاسىنىڭ 83 جاستاعى تۇرعىنى برايان چورلي ءبىر كومپانيادا 70 جىلعا جۋىق جۇمىس ىستەپ، زەينەتكە شىعۋدان باس تارتتى، دەپ حابارلايدى Almaty-akshamy.kz Lenta.ru cايتىنا سىلتەمە جاساپ.
ءچورليدىڭ ايتۋىنشا، ول العاش رەت 1953 جىلى اياق كيىم دۇكەنىنە جۇمىسقا ورنالاسقان. ول كەزدە بريتاندىق 14 جاستا بولعان. ەر ادام جۇمىسقا ەرتە شىعۋىنىڭ سەبەبىن وتباسىندا اقشانىڭ جەتىسپەۋشىلىگى جانە اتا-اناسىنا كومەكتەسكىسى كەلەتىندىگىمەن تۇسىندىرگەن.
ءبىراز ۋاقىتتان كەيىن ول جۇمىس ىستەگەن اياق كيىم دۇكەنى جابىلىپ، ونىڭ ورنىنا ساۋدا ورتالىعى سالىنعان. ول بريتاندىق تۇتىنۋشىلارعا قىزمەت كورسەتۋگە جاۋاپتى بولىمدە جۇمىس ىستەيدى، تۇتىنۋشىلاردى قارسى الىپ، ولارعا قولايلى جاعداي جاسايدى.
جاقىندا ەر ادام مەديسينالىق تەكسەرۋدەن وتكەن. تەكسەرۋ قورىتىندىسى بويىنشا دەنساۋلىعى جاقسى بولىپ شىققان جانە جۇمىسىن جالعاستىرا الادى.
«مەن كۇنى بويى كرەسلودا وتىرعىم كەلمەيدى، بۇل ادامدى جالىقتىرادى. مەن سىرتقا شىعىپ، ادامدارمەن تانىسقىم كەلەدى»، - دەدى چورلي.
ول جاسىنا قاراماستان، جۇمىسىن جالعاستىرىپ كەلە جاتقان 95 جاستاعى بريتاندىق تەلەجۇرگىزۋشى جانە ناتۋراليست ديەۆيد اتتەنبورودان ۇلگى الاتىنىن ايتتى.
بۇعان دەيىن انگليانىڭ بەرحامستەد قالاسىنىڭ جاس كورىنەتىن تۇرعىنى ءوزىنىڭ تارتىمدى كەلبەتىنىڭ سىرىن اشقانى حابارلانعان بولاتىن.
«مەن تولىعىمەن زەينەتكە شىعۋدان باس تارتامىن»، - دەگەن ول ەڭبەكتى «ماڭگىلىك جاستىقتىڭ» كىلتى دەپ سانايتىنىن ايتتى.