قازاقستاندىق كاسىپقوي بوكسشى قىز انگەلينا لۋكاس سوڭعى بىرنەشە جەكپە-جەگىن تايلاندتا وتكىزگەنى بەلگىلى. ونىڭ وقۋ جاتتىعۋ جيىندارى دا وسى ەلدە ءوتىپ جاتىر. ەندى وتانداسىمىز 12ء-شى جەكپە-جەگىن بيىل شىلدەدە وزگە مەملەكەتتە وتكىزەتىنىن مالىمدەدى.
لۋكاس تايلاندتا ۇزاق ۋاقىت تۇراقتاۋىنىڭ سەبەبىن مۇندا كاسىپقوي بوكس كەشتەرىنىڭ ءجيى وتەتىنىمەن ءتۇسىندىرىپ وتىر.
«جەكپە-جەك كەستەسىنىڭ تىعىز بولۋىنا بايلانىستى ازيانىڭ وسى بۇرىشىندا ءبىراز ۋاقىتتان بەرى ءجۇرمىن. مەن قاتىسىپ جۇرگەن بوكس كەشتەرى اۋقىمى جاعىنان الەمدە ءۇشىنشى ورىن الادى. بۇگىنگە دەيىن تايلاندتا 600-گە جۋىق كاسىپقوي بوكس كەشى ءوتىپتى. بۇل جەرگە الەمنىڭ تۇكپىر-تۇكپىرىنەن بوكسشىلار كەلىپ، جەكپە-جەكتەرىن وتكىزىپ جاتادى. مەن بولسام شىلدەدە وتەتىن كەلەسى كەزدەسۋىمدى باسقا مەملەكەتتە وتكىزۋدى جوسپارلاپ وتىرمىن. ال، جىل سوڭىنا قاراي مۇلدەم باسقا قۇرلىققا كەتەمىز. جاڭا بەلەستەردى باعىندىرۋ ءۇشىن، ۇلكەن جەكپە-جەك وتكىزۋ ءۇشىن»، - دەپ جازدى ول ءوزىنىڭ Instagram-پاراقشاسىندا.
ەسكە سالايىق، سوڭعى كەزدەسۋىندە انشەلينا لۋكاس يندونەزيالىق حارما يەستيدى جەڭدى. بۇل بوكس كەشى تايلاند استاناسىندا 30 مامىردا وتكەن بولاتىن.