الماتىدا اناسىنىڭ كولىگىن ۇرلاپ كەتكەن تالعار تۇرعىنى ۇستالدى
تاياۋدا تالعاردا قىزىق وقيعا ورىن الدى، دەپ حابارلايدى Almaty-akshamy.kz
Polisia.kz حابارلاۋىنشا، جاقىندا تالعار اپب كەزەكشى بولىمىنە ءۇيىنىڭ اۋلاسىنان Nissan اۆتوكولىگى ۇرلانعانى تۋرالى وتىنىشپەن اۋدان ورتالىعىنىڭ 48 جاستاعى تۇرعىنى جۇگىنگەن. قابىلدانعان شارالاردىڭ ناتيجەسىندە پوليسەيلەر جابىرلەنۋشىنىڭ كولىگىن ايداپ كەتكەن كۇدىكتىنى الماتى قالاسىندا ۇستادى. بەلگىلى بولعانداي، ول كولىك يەسىنىڭ 23 جاستاعى ۇلى بولىپ شىقتى. انىقتالعانداي، جىگىتتىڭ اتىنا ساقتاندىرۋ ءپوليسى رەسىمدەلگەننەن كەيىن، ونىڭ وسى كولىكتى جۇرگىزۋگە قۇقىعى بار بولىپ شىققان.
جاس جىگىت اناسىن ەسكەرتپەستەن، ونىڭ كولىگىن ءمىنىپ كەتكەن.
اۆتوكولىك يەسى ءتارتىپ ساقشىلارىنىڭ الدىندا كەشىرىم سۇراپ، پوليسەيلەرگە جەدەلدىگى ءۇشىن العىس ايتتى. ونىڭ كولىگى وزىنە قايتارىلدى.