الماتى جانە جەتىسۋ وبلىستارى بويىنشا قىلمىستىق-اتقارۋ جۇيەسى دەپارتامەنتىنىڭ №14 قاۋىپسىزدىگى ورتاشا مەكەمەسىندە تىيىم سالىنعان زاتتاردى زاڭسىز وتكىزۋ ارەكەتى انىقتالدى،دەپ حابارلايدى aqshamnews.kz Polisia.kz-كە سىلتەمە جاساپ.
قىراعىلىق تانىتقان مەكەمە قىزمەتكەرلەرى شۇجىقتىڭ ىشىنە جاسىرىلعان ۇيالى تەلەفوندى تاپتى. بۇل باندەرولدى اناسى ۇلىنا ارنايى جىبەرمەك بولعان.
تەكسەرۋ بارىسىندا «Samsung» ۇيالى تەلەفونىن، Beeline سيم-كارتاسى جانە زاريادتاعىش قۇرال تاركىلەندى. اتالعان دەرەك بويىنشا ق ر اكىمشىلىك قۇقىق بۇزۋشىلىق تۋرالى كودەكسىنىڭ 481-بابى نەگىزىندە ءىس قوزعالىپ، كىنالى تۇلعاعا قاتىستى ماتەريالدار سوتقا جىبەرىلدى. مەكەمە وكىلدەرى زاڭسىز ارەكەتتەردىڭ الدىن الۋ ءۇشىن وسىنداي قىراعىلىقتى جالعاستىرا بەرەتىنىن ايتتى.