ونى ءبىر ادام قامتاماسىز ەتە المايدى.
بۇگىن الماتى قالاسىندا «پەريناتولوگيا جانە بالالار كارديوحيرۋرگياسى» ورتالىعىندا بولاشاق انالارعا ارنالعان ەلىمىزدەگى العاشقى «ءبىر كۇندىك كلينيكا» اتتى پيلوتتىق جوبانىڭ اشىلۋى ءوتتى، - دەپ حابارلايدى Almaty Aqshamy.
انا مەن بالانىڭ دەنساۋلىعى ءبارىمىزدى دە الاڭداتاتىن ماسەلە. ونى ءبىر ادام قامتاماسىز ەتە المايدى. سوندىقتان مەملەكەت جانە قوعام بولىپ دەنى ساۋ ۇرپاقتى ومىرگە اكەلۋ، انا مەن بالانىڭ ءومىرى ءۇشىن بىرلەسە جۇمىس ىستەۋ قاجەت. مەملەكەت باسشىسى قاسىم-جومارت توقايەۆ تا وسى ماسەلەگە ەرەكشە كوڭىل بولۋدە. مەملەكەتتىك جانە جەرگىلىكتى بيۋدجەتتىڭ باسىم بولىگى الەۋمەتتىك سالاعا ءبولىنۋى دە بەكەر ەمەس.
انا مەن بالانىڭ دەنساۋلىعى ءبارىمىز ءۇشىن ماڭىزدى ماسەلە ەكەنىن ەسكەرسەك بۇگىنگى وتكەن شارانىڭ قانشالىقتى قاجەت ەكەنىنە كوزىمىز جەتەدى. «ءبىر كۇندىك كلينيكا» جوباسىنىڭ اشىلۋ شاراسىنا الماتى قالاسى اكىمىنىڭ ورىنباسارى اسەم ءنۇسىپوۆا، دەنساۋلىق ساقتاۋ مينيسترلىگىنىڭ انا مەن بالا دەنساۋلىعىن قورعاۋ دەپارتامەنتىنىڭ ديرەكتورى ماعريپا ەمبەرگەنوۆا، دەنساۋلىق ساقتاۋ مينيسترلىگىنىڭ دەپارتامەنتتىڭ انا مەن بالا دەنساۋلىعىن قورعاۋ باسقارماسىنىڭ باسشىسى شاكيزات حالىكوۆا، سونىمەن قاتار «AYALا» قايىرىمدىلىق قورىنىڭ كوممۋنيكاسيا بويىنشا ۆيسە-پرەزيدەنتى ناتاليا ەسكوۆا جانە «شيەۆرون» كومپانياسىنىڭ قوعاممەن بايلانىس بويىنشا ۇيلەستىرۋشىسى جانار قوشپانوۆا قاتىسىپ ءسوز سويلەدى. سونىمەن قاتار، شاراعا استانا جانە شىمكەنت قالالارىنان، تۇركىستان، اقتوبە، قىزىلوردا جانە قاراعاندى وبلىستارىنان دەنساۋلىق ساقتاۋ باسقارماسىنىڭ باسشىلارى مەن دارىگەرلەر، گەنەتيك ماماندار قاتىستى.
اسەم ءنۇسىپوۆا ءوز سوزىندە قالا اكىمىنىڭ انا مەن بالا دەنساۋلىعى ماسەلەسىنە ەرەكشە نازار اۋداراتىنىن ايتتى. اكىمدىك العاشقى مەديسينالىق قىزمەت كورسەتۋ ستاندارتىن بەكىتتى. سونىڭ اياسىندا 1 اۋرۋعاناعا جوندەۋ جۇمىستارى جۇرگىزىلگەن. اۋەزوۆ جانە جەتىسۋ اۋداندارىندا امقك ورتالىقتارى اشىلدى. الاتاۋ جانە تۇركسىب اۋداندارىندا 4 سونداي ورتالىقتىڭ قۇرىلىسى جالعاسۋدا. بيىل جوعارى تەحنولوگيالى مەديسينالىق قۇرىلعىلارمەن قامتاماسىز ەتۋ جوسپاردا بار.
دەنساۋلىق ساقتاۋ مينيسترلىگىنىڭ دەپارتامەنتتىڭ انا مەن بالا دەنساۋلىعىن قورعاۋ باسقارماسىنىڭ باسشىسى شاكيزات حالىكوۆا جوبانىڭ ءمانى مەن ماقساتى جايلى ەگجەي-تەگجەيلى ايتىپ ءوتتى. ونىڭ سوزىنشە ەلىمىزدە 400 مىڭداي بالا جىلىنا دۇنيەگە كەلسە، سونىڭ 1%-عا جۋىعى مۇمكىندىگى شەكتەۋلى بولىپ دۇنيەگە كەلەدى. ال «ءبىر كۇندىك كلينيكا» جوباسى سونىڭ الدىن الۋعا باعىتتالعان.
بۇل اقپاراتتى «Almaty Aqshamy» گازەتىنىڭ الداعى سانىنان تولىعىراق وقي الاسىزدار.