بۇل مالىمەتتەردى قالانىڭ الەۋمەتتىك مەديسينالىق ساقتاندىرۋ قورىنىڭ ديرەكتورى تىلەۋحان ابىلدايەۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا ايتتى.
تىلەۋحان ابىلدايەۆ قازاقستاندىقتاردىڭ ساقتاندىرۋ مارتەبەسىنە قاراماستان، كوروناۆيرۋستىق ينفەكسيا مەن پنيەۆمونياعا قارسى مەديسينالىق كومەكتى تەگىن الاتىنىن ەسكە سالدى، دەپ حابارلايدى Almaty-akshamy.kz
ول ەلدە مەديسينالىق ساقتاندىرۋ جۇيەسىن ەنگىزۋ پاندەميا كەزەڭىنە سايكەس كەلگەنىن، سوندىقتان بارلىق مەديسينالىق كومەك، ونىڭ ىشىندە كوروناۆيرۋستىڭ تارالۋىن بولدىرماۋ قىزمەتتەرىن ساقتاندىرۋ مارتەبەسىنە قاراماستان، مىندەتتى مەديسينالىق ساقتاندىرۋ جۇيەسى ەسەبىنەن جۇرگىزىلگەنىن ەسكە سالدى.
«پاندەميا باستالعالى بەرى 2020 جىلدىڭ ناۋرىزىنان باستاپ مەديسينالىق ساقتاندىرۋ قورى كوروناۆيرۋس پەن پنيەۆمونيامەن كۇرەسۋ شارالارى ءۇشىن اقى تولەۋدى، ونىڭ ىشىندە مەديسينا قىزمەتكەرلەرىنە ۇستەمە اقى تولەۋدى قاراستىردى. 2021 جىلدىڭ ءبىرىنشى جارتىجىلدىعىندا الماتى قالاسىندا ەپيدەمياعا قارسى شارالارعا قاتىسقان 42 559 دارىگەر 18،3 ملرد تەڭگە كولەمىندە ۇستەماقى الدى»، - دەدى تىلەۋحان ابىلدايەۆ.
جالپى سومادان ءبىرىنشى جارتىجىلدىقتا تولەنگەنى:
- 1ء-شى تاۋەكەل توبى - 12،6 ملرد تەڭگە (20 069 ادام)؛
- 2ء-شى تاۋەكەل توبى - 4،1 ملرد تەڭگە (12 480 ادام)؛
- 3ء-شى تاۋەكەل توبى - 1،6 ملرد تەڭگە (10 010 ادام).
بارلىعى 2021 جىلدىڭ ءبىرىنشى جارتىجىلدىعىندا الماتىدا كوروناۆيرۋستىق ينفەكسيامەن اۋىراتىن پاسيەنتتەردى ەمدەۋگە مەديسينالىق قىزمەت كورسەتۋگە 15،8 ملرد تەڭگە تولەندى، ال پتر-تەستتەردەن 2،5 ملرد تەڭگەگە 313 مىڭنان استام ازامات ءوتتى.
ۇيدەگى ءموبيلدى توپتار مەن اۋرۋحانالاردىڭ قىزمەتتەرى COVID-19 جۇقتىرعاندارعا جانە COVID-19 كۇدىگى بار ناۋقاستارعا كورسەتىلەدى. بيىل ءموبيلدى توپتار شامامەن 119 مىڭ شاقىرتۋلارعا قىزمەت كورسەتتى، 681،6 ملن تولەندى.