امىرە رەسەيلىك «گولوس» شوۋىندا قازىلاردى تاڭقالدىردى

ءانشى ستيۆي ۋاندەردىڭ Part-Time Lover ءانىن ورىندادى

كوپشىلىككە امىرە لاقاپ اتىمەن تانىمال قازاقستاندىق ءانشى ەرنار سادىربايەۆ رەسەيلىك «گولوس» شوۋىندا بارلىق قازىلاردى تاڭقالدىردى، دەپ حابارلايدى Almaty-akshamy.kz. 

وتانداسىمىز ستيۆي ۋاندەردىڭ Part-Time Lover ءانىن ورىندادى. ونى شوۋدا تەرىس قاراپ وتىرعان بارلىق قازىلار بۇرىلىپ، ءوز توبىندا ونەر كورسەتۋدى ۇسىندى.

Part-Time Lover ءانى 1985 جىلى In Square Circle البومىمەن جارىق كورگەن. اتالعان البوم «گرەممي» سىيلىعىن العان.

شوۋ بارىسىندا قازىلار ءانشىنىڭ ورىنداۋىنا تاڭقالىپ، ونى جوعارى باعالادى.

«ميليزماتيكاڭىز سۇمدىق. ەركىن، ءتاتتى. ءارقايسىمىز ءسىزدى كوماندامىزدا كورگىمىز كەلەدى، -دەدى پەلاگەيا.

سونداي-اق ونى اگۋتين دە قولدادى.

«قازاقستان بۇل جاعىنان مىقتى. تاڭ قالىپ وتىرمىن. ءبارى كەرەمەت بولدى»،-دەدى ءانشى اگۋتين.

گرادسكيي: جارايسىڭ! 

ديما بيلان: بۇل - دجەكپوت!

وتانداسىمىز سوڭىندا تالىمگەر رەتىندە ديما بيلاندى تاڭدادى.

«كۇردەلى. شىنىمدى ايتسام بۇلاي بولادى دەپ ويلاعان جوقپىن. ديما بيلاندى تاڭدايمىن» ،-دەدى امىرە.

ايتا كەتسەك، امىرە بۇعان دەيىن «سلاۆيانسكيي بازار» بايقاۋىنىڭ جەڭىمپازى اتانعان.

رەسەيدىڭ «گولوس» شوۋىنا بيىل قازاقستاندىق ءۇش ءانشى قاتىسىپ جاتىر.