2025 جىلى 14 ناۋرىزدا الماتىداعى «كوك-توبەدە» حالىق امال مەرەكەسى – كورىسۋ كۇنىن اتاپ وتەدى. قالا تۇرعىندارى مەن قوناقتارى قىستان امان شىعىپ، كوكتەمنىڭ كەلۋىمەن ءبىرىن-بىرى قۇتتىقتاپ، جىلى جۇزدەسىپ، قول الىسىپ، قۇشاقتاسىپ، ءتوس قاعىسادى، ۇلكەندەر جاستارعا باتا بەرىپ، جاقسىلىق پەن مولشىلىق تىلەيدى.
ساعات 11:00-دە «كوكتوبەدە» اشىق اسپان استىندا «كوكتوبەدەگى امال كۇنى» اتتى مەرەكەلىك كونسەرت وتەدى. ساحنادا روزا رىمبايەۆا، جانار ايجانوۆا، «جىگىتتەر» توبى، ايگۇل قوسانوۆا جانە «الاتاۋ» ءداستۇرلى ونەر تەاترىنىڭ ارتيستەرى ونەر كورسەتەدى.
ايتا كەتۋ كەرەك، 14 ناۋرىز كۇنى مەرەكەگە وراي «كوك-توبە» اسپالى جولىمەن ساعات 09:00-دەن 13:00-گە دەيىن تەگىن كوتەرىلۋگە بولادى. كەلىپ، تەاترلاندىرىلعان كونسەرتتى تاماشالاڭىزدار!
الماتىدا 14-23 ناۋرىز ارالىعىندا وتەتىن ناۋرىزناما ونكۇندىگى اياسىندا 100-دەن استام ءتۇرلى ءىس-شارا جوسپارلانعان. ولاردىڭ ىشىندە كورمەلەر، سپەكتاكلدەر، سپورتتىق جارىستار، تانىمال ارتيستەردىڭ قاتىسۋىمەن كونسەرتتەر جانە باسقا دا قىزىقتى ءىس-شارالار بار. اۋقىمدى ءىس-شارالاردىڭ اڭداتپالارى الماتى قالاسىنىڭ مادەنيەت باسقارماسىنىڭ @almatymadeniet پاراقشاسىندا جانە الماتى قالاسى اكىمدىگىنىڭ رەسمي ينتەرنەت-رەسۋرستارىندا جاريالانادى.