التىننىڭ باعاسى تومەندەدى

ترويا ۋنسياسى ءۇشىن 1727،3 دوللارعا دەيىن تومەندەدى. 

12 شىلدەدە التىننىڭ قۇنى ترويا ۋنسياسى ءۇشىن 1730 دوللاردان تومەندەدى. بۇعان ساۋدا-ساتتىق دەرەكتەرى دالەل، دەپ حابارلايدى Almaty-akshamy.kz ەgemen.kz cىلتەمە جاساپ. 

نۇر-سۇلتان ۋاقىتىمەن 10:45-تەگى جاعداي بويىنشا نيۋ-يورك Comex بيرجاسىندا التىنعا تامىز فيۋچەرستەرىنىڭ باعاسى 4،4 دوللارعا نەمەسە 0،25%-عا، ترويا ۋنسياسى ءۇشىن 1727،3 دوللارعا دەيىن تومەندەدى.

بۇعان دەيىن ساۋدا-ساتتىق بارىسىندا كورسەتكىش ەڭ تومەنگى 1721،65 دوللارعا جەتكەن بولاتىن. بۇل 2021 جىلدىڭ تامىزىنان بەرگى ەڭ تومەنگى كورسەتكىش. قىركۇيەك ايىنداعى كۇمىس فيۋچەرستەرى 0،93%-عا ارزانداپ، ءبىر ۋنسيا ءۇشىن 18،955 دوللاردى قۇراعان.

الەمدىك نارىق اقش-تان ماڭىزدى دەرەكتەردى كۇتۋدە. سارسەنبىدە ماۋسىم ايىندا ەلدەگى ينفلياسيا ستاتيستيكاسى جاريالانادى. ساراپشىلاردىڭ پىكىرىنشە، جىلدىق ينفلياسيا ءبىر اي بۇرىن 8،6%-دان كەيىن 8،8%-دى قۇرادى، بۇل 1981 جىلدىڭ جەلتوقسانىنان باستاپ جاڭا رەكورد بولۋى مۇمكىن.

جوعارى ينفلياسيا اقش-تىڭ فەدەرالدى رەزەرۆتىك جۇيەسى ءۇشىن اقشا-كرەديت ساياساتىن قاتاڭداتۋ قاجەتتىلىگى تۋرالى سيگنال بولا الادى.