20 قاراشا ەلىمىزدە كەزەكتەن تىس پرەزيدەنت سايلاۋى وتەدى.
الداعى ماڭىزدى ناۋقانعا بايلانىستى ەلىمىزدىڭ بەلگىلى ازاماتتارى ءوز ويلارىن ءبىلدىرىپ، كەلەر كۇننەن جاقسىلىق كۇتەنىنىن ايتۋدا، دەپ حابارلايدى Almaty-akshamy.kz.
Cايلاۋ جايىندى وي قوسقان كومپوزيتور التىنبەك قورازبايەۆ سوڭعى جىلدارى ەلىمىزدە رەفورمالار جاسالىپ جاتقانىن ايتادى.
«سوڭعى ءۇش-تورت جىلدا اجەپتەۋىر رەفورما جاسالىپ جاتقان سياقتى. جاڭا قازاقستان قۇرۋدىڭ العىشارتى باستالىپ تا كەتكەن سەكىلدى. كەيىنگى كەزدە بايقاۋىمشا، ادىلدىك، ادالدىق جاڭا قازاقستاننىڭ جاڭا كوزقاراسى، شىنىندا، بىزگە سەزىلىپ جاتىر. ەندى تەك قانا قازاق ەلى، جەرى – ەڭ باستى مۇرات. بولاشاق پرەزيدەنتىمىزگە اعا رەتىندە ايتار ويىم – ادىلدىك، شىندىق، دەموكراتيالىق قازاقستاندى قۇرۋ ءبىز ءۇشىن وتە قاجەت»، – دەدى قازاقستاننىڭ حالىق ءارتىسى التىنبەك قورازبايەۆ.