1 گرامم التىننىڭ باعاسى 33 911،46 تەڭگەگە جەتتى.
بۇل كورسەتكىش بۇعان دەيىنگى باعامەن سالىستىرعاندا، 405،86 تەڭگەگە نەمەسە 1،2%-عا قىمبات، دەپ حابارلايدى اlmaty-akshamy.kz.
قازىرگى كورسەتكىش 2017 جىلعى ماۋسىمنان بەرگى رەسمي ەڭ جوعارى كورسەتكىش بولىپ سانالادى. الايدا سوڭعى كەزدەرى مەتالدىڭ باعاسى تۇراقتى تۇردە كوتەرىلىپ، 5 ناۋرىزدان بەرى 30 مىڭ تەڭگەدەن تومەندەگەن جوق. اقپان ايىنىڭ ورتاسىنان باستاپ ايتارلىقتاي سەنىمدى ءوسىم پايدا بولعان كەزدە، كورسەتكىش 5 مىڭ تەڭگەگە نەمەسە 18%-عا ارتتى. جىل باسىنداعى جاعدايمەن سالىستىرعاندا، 1 گرامم باعاسى 12 پايىزعا قىمباتتاعان.
ايتا كەتۋ كەرەك، مەتالدىڭ بيرجالىق باعاسى سوڭعى ۋاقىتتا رەكوردتىق دەڭگەيدە بولدى. بۇعان الەمدىك ورتالىق بانكتەردىڭ جوعارى سۇرانىسى دا ىقپال ەتىپ وتىر.