ساۋداگەرلەردىڭ سوزىنشە، قۇرىلىس قىسقا دەيىن اياقتالۋعا ءتيىس بولعان. الايدا باسشىلىق اۋىسىپ كەتىپ، جازدان بەرى تۇرالاعان. ال بۇرىنعى ديرەكتور "العان اقشامىزدى قايتارمادى" دەپ وتىر.
"ءبىز مارجان دەگەن كاسسيرگە بەردىك. ول دانيار الپييەۆتىڭ كاسسيرى بولادى. سول كىسىگە اقشانى تاپسىردىق. بۇل جاقتا 300 ادام بۋتيككە اقشا قۇيعان. جالپى 450 بۋتيك ساتىلعان ەكەن. ورتاشا بۇل جاقتا 4 ميلليوننان قۇيعان. مەن 23،5 ميلليون تەڭگە قۇيدىم. اپكەم 18 ميلليون قۇيدى. سول سياقتى 9،8 ميلليون . 1 ميلليارد 600 ميلليون تەڭگە اقشا جيناعان"، -دەپ ايتتى كاسىپكەر ءاليا كوشبەسپايەۆا
ساۋداگەرلەردىڭ كوبى ءقازىر جۇمىسسىز ءجۇر. ولار "اقشامىزدى قايتارسىن" دەپ، قاراساي اۋداندىق پوليسياسىنا دا بىرنەشە اي بۇرىن شاعىمدانعان. الايدا "ءالى ناتيجە جوق" دەيدى.
"بەرىلگەن چەكتەردىڭ ءبارىنىڭ كوشىرمەسىن الىپ جاتىر. ءبىراق تا پروكۋراتۋرادان دا، قاراساي اۋدانىنىڭ سوت ورىندارى دا ەشقانداي ءىس قوزعاماي جاتىر. الپييەۆكە قاتىستى. قۇرىلىستى "كومپانيا نومەر ودين" موينىنا الىپ وتىر. "وسى بۋتيكتەر سالىنسا، قىزدار ورنىن السا" دەگەن ويدامىز"، دەيدى كاسىپكەر رايحان ايداربايەۆا.
جاڭا كەلگەن باسشىلىق "قۇرىلىستى جالعاستىرۋعا قايتا كىرىسىپ جاتىرمىز" دەيدى. بۇرىنعى قۇرىلىس كومپانياسىمەن كەلىسىمشارت بۇزىلىپ، باسقاسىمەن كەلىسكەن.
"ءقازىر قۇرىلىس قانشا پايىزعا جۇرگىزىلدى، قانداي قۇرىلىس ماتەريالىمەن ىستەلگەنى تۋرالى سمەتا قۇجاتتارىن دايىنداۋ اياقتالدى. قۇرىلىس قولعا الىنىپ، ەندى بۇل مەنشىك يەسىنىڭ ءوز قالتاسىنان تولەنىپ، ءوزى قۇرىلىستى اياقتاۋعا كەپىلدىك بەردى"،-دەگەن ءۋاج اتتى "التىن وردا" بازارى اتقارۋشى كومپانياسىنىڭ زاڭگەرى ءىزبازار وتەۋلين.
ال بازاردىڭ بۇرىنعى باسشىسى دانيار الپييەۆتىڭ ادۆوكاتىنىڭ ايتۋىنشا، بۇل داۋدىڭ قۇقىقتىق نەگىزى جوق، كەلىسىمشارت ءبىرجاقتى بۇزىلعان.
"ول اقشانىڭ ءبارى تىكەلەي، ياعني الپييەۆتىڭ مەنشىگىندەگى "التىن وردا نيۋ كومپاني" كومپانياسى ەسەپشوتىنان بانك جۇيەسىمەنەن "كومپانيا نومەر ودين" ج ش س ەسەپشوتىنا تۇگەل كەلىپ تۇسكەن، ياعني ونى الپييەۆ الىپ قاشىپ كەتكەن جوق. ونى تىعىپ الىپ قالعان جوق. بۇل سونىمەن راستالىپ تۇر"،-دەپ پىكىر ءبىلدىردى زاڭگەر الىبەك المابايەۆ.
ساۋداگەرلەردىڭ جازعان ارىزى ءقازىر قاراساي اۋدانى پوليسيا بولىمىندە قارالىپ جاتىر. الماتى وبلىسى پوليسياسى ءىستىڭ تىركەلگەنىن حابارلادى. ماسەلەنىڭ ءمان-جايىن قۇزىرلى ورگان انىقتايدى.