«KURYLYS LTD» ج ش س قۇرىلتايشىسى جانە باسشىسى رەتىندە بولات نازاربايەۆ كورسەتىلگەن.
ساۋدا جانە ينتەگراسيا مينيسترلىگى «التىن وردا» بازارىنىڭ اۋماعى «KURYLYS LTD» جشس-نا، ال قوسىمشا جالگەرلىك قۇقى «Atyn Orda QazTrade Ltd» جشس-نا تيەسىلى ەكەنىن مالىمدەدى، دەپ حابارلادى Almaty-akshamy.kz Turkystan.kz سىلتەمە جاساپ.
جالپى ساۋدا الاڭى 218 151 شارشى مەتردى قۇرايدى. تاۋار اينالىمىنىڭ كولەمى ايىنا ورتا ەسەپپەن 147 ملن تەڭگەگە، جۇك اينالىمى كۇنىنە 500 كاماز-عا دەيىن جەتەدى. كۇنىنە بازارعا 8-15 مىڭ ساتىپ الۋشى كەلەدى.
«التىن وردا» بازارىندا 5050 ساۋدا ورنى بار. ولاردى 45 440 ادام جالعا الادى. جالداۋ قۇنى ورتا ەسەپپەن 42،5 مىڭ تەڭگەنى قۇرايدى. سونداي-اق اۋماعىندا «التىن وردا» قوناق ءۇيى ورنالاسقان. ساۋدا مينيسترلىگى بازار ىشكى ساۋدا ەرەجەلەرىمەن بەلگىلەنگەن تالاپتارعا سايكەس كەلمەيتىنىن، ساۋدانىڭ كولەڭكەلى اينالىمى بار ەكەنىن مالىمدەدى.
ۆەدومستۆو بازار جۇمىسىن توقتاتۋ جاعىمسىز سالدارعا اكەلۋى مۇمكىن دەپ وتىر.
«مىسالى، بازارداعى ساۋدا جانە جۇمىس ورىندارىنىڭ سانىن قىسقارتۋ ول جەردەگىلەردىڭ نارازىلىعىن تۋعىزادى. سونداي-اق تاۋار اعىنى قىرعىزستاننىڭ دوردوي بازارىنا كوشىپ، ساۋدا ورىندارىندا اپاتتى جاعدايلاردىڭ پايدا بولۋىنا اكەلۋى مۇمكىن. جاقىن ماڭداعى بازارلار ۇلكەن تاۋار اعىنىنا توتەپ بەرە المايدى. الماتى وبلىسىندا 84 بازار، الماتىدا 45 بازار جۇمىس ىستەيدى. ولاردا ارتىق ورىن جوق، تولىپ تۇر»، – دەلىنگەن مينيسترلىك حابارلاماسىندا.
ايتا كەتسەك، قاسىم-جومارت توقايەۆ الماتى وبلىسى مەن الماتى اكىمدەرىنە ۇكىمەتپەن بىرلەسىپ، ەكى اي ۋاقىتتا «التىن وردا» بازارىندا ءتارتىپ ورناتۋدى تاپسىرعان. پرەزيدەنت ول جەردىڭ پايداكۇنەمدەر ءۇشىن ناعىز «مايشەلپەككە» اينالعانىن ايتقان بولاتىن.
ازاماتتارعا ارنالعان ۇكىمەتتىڭ دەرەكتەرىنە سايكەس، «KURYLYS LTD» ج ش س قۇرىلتايشىسى جانە باسشىسى رەتىندە بولات نازاربايەۆ كورسەتىلگەن.