«التىن-ەمەل» مەملەكەتتىك ۇلتىق تابيعي پاركىندە جابايى اڭدار كوبەيىپ بارادى.
سەبەبى ۇلتتىق ساياباق اۋماعىنداعى قىزىل كىتاپقا ەنگەن قۇلان سانى ءتورت مىڭعا، ال قاراقۇيرىق التى مىڭعا جەتكەن. مۇندا قازاقستاننىڭ قىزىل كىتابىنا ەنگەن جان-جانۋارلاردىڭ 25 ءتۇرى مەكەن ەتەدى، دەپ حابارلايدى اlmaty-akshamy.kz .24.kz-كە سىلتەمە جاساپ. جايىلىمنىڭ تارىلۋىنا بايلانىستى ءقازىر قۇلانداردى ەلىمىزدەگى وزگە رەزەرۆاتتارعا جەرسىندىرۋ جۇمىستارى ءجۇرىپ جاتىر. ىلە وزەنىنىڭ وڭ جاعالاۋىنداعى جازىقتىق پەن جەتىسۋ الاتاۋىنىڭ سىلەمدەرىندە ورنالاسقان پارك اۋماعىندا پرجيەۆالسكيي جىلقىلارى، 3 مىڭداي تاۋتەكە جانە 115 باس تيان-شان ارقارى بار. ال قار بارىسىنىڭ سانى 13-كە جەتكەن. پارك قىزمەتكەرلەرى سونىڭ ۇشەۋىنىڭ موينىنا ساندىق قارعىباۋ تاعىپ، بەت العان باعىتىن ۇنەمى باقىلاپ وتىر. بيىل «التىن-ەمەلگە» 16 مىڭنان استام تۋريست كەلگەن. كوروناۆيرۋس پاندەمياسى اياقتالعالى مۇندا شەتەلدىك ساياحاتشىلار دا ءجيى تابان تىرەيتىن بولدى.
قۋات بايتۇربايەۆ، "التىن-ەمەل" مۇتپ" باس ديرەكتورى:
- «التىن-ەمەل» پاركىنەن باسقا رەزەرۆاتتارعا، پاركتەرگە وسى جەردەن جىبەرىپ جاتىرمىز. «ىلە-بالقاشقا» بىلتىر 60 باس جىبەردىك. «التىن دالاعا» دا جىبەردىك. بارلىعىنىڭ سانى 304 باس قۇلان وسى جەردەن جىبەرىلىپ جاتىر. قازاقستاندا ءبىرىنشى رەت وسى «التىن-ەمەلدىڭ» تاۋىنان سنەجنىي بارس دەيمىز عوي، ىلبىستەردى ۇستاپ، 3 بارىسقا ءبىز وشەينيك كيگىزدىك.
مۇرات سىدىعالييەۆ، "باسشي" ورمانشىلىعىنىڭ باسشىسى:
- يۋنەسكو-عا كىردىك. قۇلان كەتىپ قالماۋى ءۇشىن ءبىزدىڭ تەرريتوريادان قىستىڭ كۇنى قار جاۋىپ، نەتەتىن بولسا، ىشىنە ءشوپ توگەمىز. قۇستارعا بەسەدكالار ورناتامىز. «التىن-ەمەل» ۇلتتىق تابيعات پاركىنىڭ جان-جاعىنىڭ ءبارى قورشاۋدا. مىنا جاعىندا پوست تۇر، كۇنشىعىس جاعىندا تاعى پوست تۇر. ەشقانداي كىرۋ دەگەن جوق. 10 جىلدىڭ كولەمىندە ءقازىر ەشقانداي زاڭبۇزۋشىلىق جوق دەپ ەسەپتەۋگە بولادى.