جامبىل وبلىسىندا 6 ادام 20 قاپ التىنمەن ۇستالدى
وقيعا مويىنقۇم اۋدانىندا بولعان. كۇدىكتىلەر قۇرامىندا التىنى بار كەندى قازىپ، قاپقا سالىپ جيناعان. ونى جۇك كولىگىنە تيەپ الىپ كەتپەك بولعان، دەپ حابارلايدى اlmaty-akshamy.kz «حابار 24»-كە سىلتەمە جاساپ.
ۇستالعانداردىڭ بەسەۋى جامبىل، بىرەۋى الماتى وبلىسىنىڭ تۇرعىنى بولىپ شىقتى. ولاردان گەنەراتور، تەمىر كەسكىش، بالعا سياقتى قۇرال-سايمان تاركىلەندى.
– اتالعان دەرەككە قاتىستى ق ر قك 334-بابى جەر قويناۋىن ءوز بەتىنشە پايدالانۋ بويىنشا سوتقا دەيىنگى تەرگەۋ امالدارى باستالدى. زاتتاي ايعاقتار تاركىلەنىپ، قازىرگى تاڭدا سوت-حيميالىق ساراپتاماسى تاعايىندالدى. مەملەكەتكە كەلتىرىلگەن زالال كولەمى انىقتالۋدا، - دەيدى وبلىستىق جەرگىلىكتى پوليسيا قىزمەتى باسقارماسىنىڭ باستىعى راحىمبەردى اشكەيەۆ.