2026 جىلعا جوسپارلاعان لۋۆرداعى قازاق ونەرىنىڭ كورمەسى اياسىندا «التىن ادام» تاريحي جادىگەرى كەلۋشىلەردىڭ نازارىنا ۇسىنىلماق، دەپ حابارلايدى Almaty-akshamy.kz قازاقپاراتقا سىلتەمە جاساپ.
«التىن ادام» – قازاقستاننىڭ ەڭ قۇندى جادىگەرى، ەلدىگىمىزدىڭ سيمۆولى. بۇعان دەيىن اتالعان جادىگەردى حالىقارالىق دەڭگەيدە ۇلتتىق برەندكە اينالدىرۋ ماقساتىندا «التىن ادامنىڭ الەم مۋزەيلەرىنە شەرۋى» حالىقارالىق جوباسى الەمنىڭ 12 مەملەكەتىندە جۇزەگە استى. 2026 جىلى فرانسياداعى لۋۆر مۋزەيىندە قازاقستاننىڭ ۇلتتىق كورمەسىن ۇيىمداستىرۋ اياسىندا «التىن ادام» مەن مۋزەيدەگى تاريحي قۇندىلىعى بار زاتتار جادىگەرلەردى ىرىكتەۋ كوميسسياسىنا ۇسىنىلادى»، - دەلىنگەن قازاقپارات ءتىلشىسىنىڭ ساۋالىنا ۇلتتىق مۋزەيدىڭ جاۋابىندا.
ەسكە سالا كەتەيىك، بيىل اقپاندا مادەنيەت جانە سپورت ءمينيسترى اسحات ورالوۆ لۋۆردا قازاق ونەرنىڭ كورمەسى وتەتىنى تۋرالى ايتقان ەدى.
«قوس مەملەكەت باسشىلارىنىڭ كەزدەسۋىندە 2025-2026 جىلدارى فرانسيادا قازاق مادەنيەتىنىڭ كۇندەرىن وتكىزۋ تۋرالى شەشىم قابىلداندى. بۇگىن ءبىز لۋۆردا قازاق ونەرىنىڭ كورمەسىن، سونداي-اق ارتيستەرىمىز بەن شىعارماشىلىق ۇجىمدارىمىزدىڭ قاتىسۋىمەن پاريجدە اۋقىمدى كونسەرت وتكىزۋ مۇمكىندىگىن تالقىلادىق. بۇل مادەنيەت قايراتكەرلەرى ءۇشىن قۇندى تاجىريبە بولادى دەپ سانايمىن»، - دەگەن ەدى مينيستر.