بيىل قازاقستان كينوتەاترلارىندا ەكشن جانە فەنتەزي جانرىنداعى «التىن ادام» تولىقمەتراجدى انيماسيالىق ءفيلمى كورەرمەنگە ۇسىنىلادى.
مۋلتفيلم قازاقستان رەسپۋبليكاسى مادەنيەت جانە اقپارات مينيسترلىگى مەن ۇلتتىق كينونى قولداۋ مەملەكەتتىك ورتالىعىنىڭ قولداۋىمەن ازىرلەنگەن، دەپ حابالايدى aqshamnews.kz
«التىن ادام» – ءومىر وتىن ىزدەپ، حان ءتاڭىرى شىڭىنا شىققان ساق جاۋىنگەرىنىڭ وقيعاسىن باياندايدى. ول سول ساپاردا سەنىمدى دوس تابادى، ءقاۋىپتى قارسىلاستارمەن شايقاسادى. سان ءتۇرلى سىناقتان ءوتىپ، ول ناعىز جاۋىنگەرگە اتانىپ، تۋعان جەرىن زۇلىمدىقتان قورعايدى.
ءفيلمنىڭ رەجيسسەرلەرى – تۇردىبەك مايدان («مۇزبالاق» جوباسىنىڭ اۆتورى) جانە تىلەك تولەۋعازى.
«التىن ادام» جوباسىنىڭ باستى ماقساتى – ادامنىڭ تەك سىرتى عانا ەمەس، ىشكى جان دۇنيەسى دە «التىن» بولا الاتىنىن كورسەتۋ. فيلمگە ەسىك قورعانىنان تابىلعان التىن ادام ارحەولوگيالىق مۇراسى ارقاۋ بولعان. جوبا 2D فورماتىندا جاسالدى. بۇل ءادىس ەجەلگى ءداۋىردى قاز-قالپىندا بەينەلەۋگە، سول كەزەڭنىڭ قابىرعا سۋرەتتەرى مەن ساۋلەت ونەرىن كورسەتۋگە مۇمكىندىك بەردى.
«التىن ادام» – بۇل تەك ەرلىك پەن باتىردىق تۋرالى حيكايا عانا ەمەس، جاس كورەرمەنگە تەرەڭ فيلوسوفيالىق وي سالاتىن تۋىندى.